ప్రధాని మోదీకి ఫ్రాన్స్ అరుదైన గౌరవం.. గ్రాండ్ క్రాస్ ఆఫ్ ది లిజియన్ ఆఫ్ హానర్ తో సత్కారం
ఫ్రాన్స్ పర్యటనలో ఉన్న ప్రధాని నరేంద్ర మోదీ అరుదైన గౌరవం దక్కించుకున్నారు. ఫ్రెంచ్ దేశ అత్యుతన్నత గౌరవ పురస్కారం లభించింది. ఈమేరకు మోదీకి 'గ్రాండ్ క్రాస్ ఆఫ్ ది లిజియన్ ఆఫ్ హానర్'ను ఆతిథ్య దేశ అధ్యక్షుడు మాక్రాన్ అందించారు. ఎలిసీ ప్యాలెస్‌లో ఏర్పాటు చేసిన విందులో మోదీకి ఈ గౌరవాన్ని అందజేశారు. ఫ్రెంచ్ పౌర,మిలిటరీ పురస్కారాల్లో గ్రాండ్ క్రాస్ అత్యుత్తమైందిగా గుర్తింపు పొందింది. ఓ దేశ ప్రధానికి ఈ పురస్కారం దక్కడం ఇదే తొలిసారి. దక్షిణాఫ్రికా నెల్సన్‌ మండేలా, కింగ్‌ చార్లెస్‌, జర్మనీ మాజీ ఛాన్స్‌లర్‌ ఏంజెలా మెర్కెల్‌, యూఎన్ఓ మాజీ కార్యదర్శి బుట్రోస్‌ ఘాలీలు గతంలో ఈ పురస్కారం అందుకున్నారు. భారతీయుల తరఫున మాక్రాన్ కు మోదీ కృతజ్ఞతలు తెలిపారు.
