Kamala Harris: అమెరికా అధ్యక్ష ఎన్నికలు.. డొనాల్డ్‌ ట్రంప్‌పై తీవ్ర వ్యాఖ్యలు చేసిన కమలా హారిస్
ఈ వార్తాకథనం ఏంటి
త్వరలో జరిగే అమెరికా అధ్యక్ష ఎన్నికల నేపథ్యంలో ఉపాధ్యక్షురాలు కమలా హారిస్ ప్రచారాల్లో దూకుడు పెంచారు.
ఆమె తరచూ ప్రత్యర్థి, మాజీ అధ్యక్షుడు డొనాల్డ్‌ ట్రంప్ అనుసరించే విధానాలను తీవ్రంగా విమర్శిస్తున్నారు.
ఇటీవల ఒక టీవీ షోలో పాల్గొన్న హారిస్, ట్రంప్‌పై కఠిన విమర్శలు చేశారు.
"ట్రంప్ మాట మీద నిలబడే వ్యక్తి కాదని" వ్యాఖ్యానించారు. ట్రంప్ మద్దతు ఇవ్వని వారిని, తన విధానాలను అనుసరించకుండా ఎదురు తిరిగేవారిని దేశానికి శత్రువులుగా పరిగణిస్తారని ఆమె ఆరోపించారు. ఇది ఆయన మాటల్లోనే స్పష్టమవుతోందని హారిస్ పేర్కొన్నారు.
వివరాలు
ట్రంప్ మళ్లీ అధికారంలోకి వస్తే అది అమెరికాకు ప్రమాదం
ఎన్నికల రోజు ట్రంప్ మద్దతుదారులు చేసే పనులను చూసి ఆందోళన చెందనని ఆమె చెప్పింది.
"ట్రంప్ చేసే పనులు ప్రజల స్వేచ్ఛను ప్రమాదంలో పడేస్తాయి" అని మండిపడ్డారు. "మనలోనే మనకు శత్రువులు ఉన్నారు, రాడికల్‌ లెఫ్ట్‌ భావజాలంతో కొందరు వెర్రితలలు వేస్తున్నారు" అని ఆమె ఆరోపించారు.
ట్రంప్ మళ్లీ అధికారంలోకి వస్తే అది అమెరికాకు ప్రమాదం అవుతుందని హారిస్ అన్నారు.
అధికారంలోకి వస్తే, ఆయన దేశ సమస్యలను కాకుండా, విద్యార్థులను, జర్నలిస్టులను, ఎన్నికల అధికారులను, న్యాయమూర్తులను లక్ష్యంగా చేసుకుంటారని ఆమె తెలిపారు.
ఈ క్రమంలో, తనపై రాజకీయ వ్యతిరేకత చూపుతున్న వారిపై చర్యలు తీసుకోవడానికి నేషనల్ గార్డ్ లేదా యూఎస్ మిలిటరీని ఉపయోగించాలని ట్రంప్ ఇటీవల చేసిన వ్యాఖ్యలను ఆమె గుర్తు చేశారు.
వివరాలు
డొనాల్డ్‌ ట్రంప్‌పై కమలా హారిస్ విజయం
ఇంకా, ఎన్నికలు సమీపిస్తున్న నేపథ్యంలో నిర్వహిస్తున్న సర్వేలు సూచించినట్లుగా, ట్రంప్‌తో పోలిస్తే అభ్యర్థి రేసులో కమలా హారిస్‌కు గెలుపు అవకాశాలు ఎక్కువగా ఉన్నట్లు సమాచారం.
అంతేకాక, ఆమెకు ప్రచారాల కోసం భారీ మొత్తంలో విరాళాలు అందుతున్నాయని అంతర్జాతీయ మీడియా కథనాలు చెబుతున్నాయి.
అమెరికన్‌ యూనివర్సిటీ ప్రొఫెసర్, రాజకీయ శాస్త్రవేత్త అలన్‌ లిచ్‌మన్‌ ఒక ఇంటర్వ్యూలో, "అధికార ఎన్నికల్లో డొనాల్డ్‌ ట్రంప్‌పై కమలా హారిస్ విజయం సాధిస్తారు" అని జోస్యం చెప్పారు.