Trump: 'మోదీ లభించడం భారత ప్రజల అదృష్టం': బెంగాల్ విజయం పై మోదీకి ట్రంప్ అభినందనలు
ఈ వార్తాకథనం ఏంటి
పశ్చిమ బెంగాల్లో భారతీయ జనతా పార్టీ సాధించిన విజయంపై అమెరికా అధ్యక్షుడు డొనాల్డ్ ట్రంప్, ప్రధాన మంత్రి నరేంద్ర మోదీకు అభినందనలు తెలిపారు. ఈ ఫలితాన్ని ఆయన ప్రజల స్పష్టమైన తీర్పుగా పేర్కొంటూ చరిత్రాత్మక విజయంగా అభివర్ణించారు. ఈ విషయాన్ని వైట్ హౌస్ ప్రతినిధి కుష్ దేశాయ్ మీడియాకు వెల్లడించారు. బెంగాల్ విజయంపై ట్రంప్ మోదీకి శుభాకాంక్షలు తెలియజేసినట్లు ఆయన తెలిపారు. అంతేకాకుండా, గత నెలలో ఈ ఇద్దరి మధ్య ఫోన్ సంభాషణ జరిగిన సందర్భంగా కూడా మోదీ నాయకత్వాన్ని ట్రంప్ ప్రశంసించినట్లు చెప్పారు. మోదీ లాంటి నాయకుడు ఉండటం భారత ప్రజల అదృష్టమని ట్రంప్ అభిప్రాయపడ్డారని వివరించారు.
వివరాలు
మమతా బెనర్జీ 15 ఏళ్ల పాలనకు ముగింపు
ఇక, పశ్చిమ బెంగాల్లో మమతా బెనర్జీ 15 ఏళ్ల పాలనకు ముగింపు పలుకుతూ భారతీయ జనతా పార్టీ ఘన విజయం సాధించింది. మూడింట రెండొంతులకుపైగా మెజారిటీతో అధికారాన్ని దక్కించుకోవడంతో తృణమూల్ కాంగ్రెస్ పార్టీకి భారీ దెబ్బ తగిలింది. మొత్తం మెజారిటీ సంఖ్య 147 కాగా, భారతీయ జనతా పార్టీ 206 స్థానాలను గెలుచుకుంది. తృణమూల్ కాంగ్రెస్ మాత్రం 81 స్థానాలకు మాత్రమే పరిమితమైంది.