Canada: కెనడా-అమెరికా సరిహద్దు చొరబాట్లలో భారతీయులే పైచేయి
ఈ వార్తాకథనం ఏంటి
అమెరికాలోకి కెనడా సరిహద్దు ద్వారా అక్రమంగా చొరబడేందుకు ప్రయత్నించే భారతీయుల సంఖ్య గణనీయంగా పెరుగుతుండటం ఆందోళన కలిగిస్తోంది. 2023-24 సంవత్సరంలో, కెనడా సరిహద్దు ద్వారా అక్రమ చొరబాట్లకు పాల్పడిన వారి మొత్తం సంఖ్యలో 23 శాతం భారతీయులే ఉండటం విశేషం. అమెరికా కస్టమ్స్ అండ్ బోర్డర్ ప్రొటెక్షన్ లెక్కల ప్రకారం 2022లో కెనడా సరిహద్దు నుంచి 1,09,535 మంది అమెరికాలోకి అక్రమంగా ప్రవేశించే ప్రయత్నం చేశారు. ఇందులో 16 శాతం మంది భారతీయులు కావడమే గమనార్హం. 2023-24లో ఈ సంఖ్య మరింత పెరిగి, 47,000 భారతీయులు చొరబడేందుకు ప్రయత్నించినట్లు నివేదికలు చెబుతున్నాయి.
Details
సరిహద్దు నియంత్రణ మరింత కఠినమయ్యే అవకాశం
అక్రమ చొరబాట్ల సమస్య ప్రస్తుతం అమెరికా-కెనడాల మధ్య దౌత్యపరమైన చికాకుగా మారింది. రెండు దేశాలు ఈ సమస్యను ఎదుర్కొనే మార్గాలను ఆలోచిస్తున్నాయి. భారతీయుల సంఖ్యలో గణనీయమైన పెరుగుదల, ఈ అంశం గ్లోబల్ స్థాయిలో చర్చనీయాంశంగా మారడానికి కారణమైంది. 2024 అధ్యక్ష ఎన్నికల తర్వాత డొనాల్డ్ ట్రంప్ తిరిగి అధికారంలోకి వస్తే, చొరబాట్ల సమస్యపై ఆయన ఏ విధమైన చర్యలు తీసుకుంటారన్న దానిపై ఆసక్తి నెలకొంది. ఇమ్మిగ్రేషన్పై ట్రంప్ వైఖరిని దృష్టిలో ఉంచుకుని, సరిహద్దు నియంత్రణ మరింత కఠినమయ్యే అవకాశం ఉందని విశ్లేషకులు భావిస్తున్నారు.