Netherland: ఇజ్రాయెల్ ఫుట్‌బాల్ అభిమానుల‌పై పాలస్తీనా అనుకూల గుంపు దాడి
ఈ వార్తాకథనం ఏంటి
ఇజ్రాయెల్ పౌరులపై పాలస్తీనా పౌరులు ఆమ్‌స్టర్‌డామ్‌లో దాడి చేసారు. నెదర్‌ల్యాండ్స్‌లోని ఆమ్‌స్టర్‌డామ్ వేదికగా జరిగిన ఐరోపా ఫుట్‌బాల్ మ్యాచ్‌లో ఇజ్రాయెల్, నెదర్లాండ్స్ జట్లు పోటీ పడ్డాయి.
మ్యాచ్ ముందు ఇజ్రాయెల్ అభిమానులు, పాలస్తీనా మద్దతుదారుల మధ్య ఘర్షణ చోటుచేసుకుంది.
మ్యాచ్ ముగిసిన తర్వాత కూడా ఘర్షణ కొనసాగింది. ఈ ఘటనలో 10 మంది ఇజ్రాయెల్ పౌరులు తీవ్రంగా గాయపడ్డారు, ఇద్దరు వ్యక్తులు కనిపించకుండా పోయినట్లు విదేశాంగ మంత్రిత్వ శాఖ ప్రకటించింది.
ఇజ్రాయెల్ పౌరులకు బహిరంగ ప్రదేశాల్లోకి రావద్దని సూచించింది. ఆ సంస్థ డచ్ ప్రభుత్వానికి తమ పౌరులను సురక్షితంగా విమానాశ్రయానికి తీసుకురావడంలో సహాయం చేయాలని కోరింది.
వివరాలు
62 మంది నిరసనకారులను అదుపులోకి..
సమాచారం ప్రకారం, వందలాది ఇజ్రాయెల్ జట్టు మద్దతుదారులు ఆమ్‌స్టర్‌డామ్‌కు వచ్చి, ప్రధాన కూడళ్ళలో ఇజ్రాయెల్ జెండాలు ఊపుతూ, పాలస్తీనా జెండాలను తొలగించారు.
ఈ చర్యలకు ప్రతిస్పందనగా ఇరువర్గాల మధ్య ఘర్షణ జరిగింది. పరిస్థితులను అదుపులోకి తీసుకురావడానికి 600 మంది పోలీసులు రంగంలోకి దిగారు.
62 మంది నిరసనకారులను అదుపులోకి తీసుకున్నారు. ఇజ్రాయెల్ ప్రధాన మంత్రి బెంజమిన్ నెతన్యాహు ఈ దాడిని ఖండించారు.
దాడికి పాల్పడినవారిపై కఠిన చర్యలు తీసుకోవాలని ఆయన సూచించారు. బాధితుల కోసం రెస్క్యూ విమానాలను వెంటనే పంపాలని ఆదేశించారు.
వివరాలు
40వేల మందికి పైగా పౌరులు మృతి
గతేడాది, ఇజ్రాయెల్‌లోని ఒక మ్యూజిక్ ఫెస్టివల్‌లో హమాస్ ఉగ్రవాదులు జరిపిన కాల్పుల కారణంగా ప్రారంభమైన ఈ దాడుల శ్రేణి ఇప్పటికీ కొనసాగుతోంది.
హమాస్ ప్రారంభించిన దాడిలో 1400 మందికి పైగా ప్రాణాలు కోల్పోయారు, 250 మందికి పైగా సాధారణ ప్రజలను బందీలుగా తీసుకెళ్లారు.
ఈ యుద్ధం తీవ్రంగా విస్తరించిన తరవాత, హిజబుల్లా, ఇరాన్ మద్దతుతో ఇజ్రాయెల్‌పై మరిన్ని దాడులు జరుగుతున్నాయి.
కాల్పుల విరమణకు ప్రయత్నాలు అయినప్పటికీ, దాడుల తీవ్రత తగ్గలేదు.
గాజా ప్రాంతంలో ఇజ్రాయెల్ దాడుల కారణంగా 40వేల మందికి పైగా పౌరులు మృతిచెందినట్లు గణాంకాలు సూచిస్తున్నాయి.