Lebanon Explosions: పేజర్ అంటే ఏంటి ? హిజ్బుల్లా సభ్యులు ఇప్పటికీ దానిని ఎందుకు ఉపయోగిస్తున్నారు?
ఇజ్రాయెల్ గూఢచార సంస్థ 'మొసాద్' హిజ్బుల్లాపై పేజర్ దాడి చేసి యావత్ ప్రపంచాన్ని ఆశ్చర్యపరిచింది. కమ్యూనికేషన్ కోసం ఉపయోగించే ఈ ప్రాథమిక పరికరం చాలా ప్రమాదకరమైనదని ఎవరూ ఊహించలేదు. హిజ్బుల్లా ప్రకారం, మంగళవారం మధ్యాహ్నం 3.30 గంటల సమయంలో, పేజర్లు అకస్మాత్తుగా పేలడం ప్రారంభించాయి. పేలుళ్లు జరిగిన కొన్ని గంటల తర్వాత ఒక్కో పేజర్ బ్యాటరీల దగ్గర పేలుడు పదార్థాలు అమర్చినట్లు వెల్లడైంది. దూరంలో కూర్చున్నప్పుడు పేలుడు సంభవించేలా స్విచ్‌ను అమర్చారు. మధ్యాహ్నం 3.30 గంటలకు హిజ్బుల్లా సభ్యుల పేజర్లలో ఒక సందేశం వచ్చింది. కొన్ని సెకన్ల బీప్-బీప్ తర్వాత, పేజర్లు చప్పుడు చేయడం ప్రారంభించాయి.
మొస్సాద్, IDF జాయింట్ ఆపరేషన్
లెబనాన్, సిరియాలోని హిజ్బుల్లా కార్యకర్తలు పేజర్ ద్వారా పేలుళ్లను లక్ష్యంగా చేసుకున్నారు. ఇది ఇజ్రాయెల్ డిఫెన్స్ ఫోర్స్ (IDF) మొసాద్ సంయుక్త ఆపరేషన్ అని రాయిటర్స్, CNN, న్యూయార్క్ టైమ్స్‌తో సహా వివిధ మీడియా సంస్థలు మూలాలను ఉటంకించాయి. NYT ప్రకారం, తైవాన్‌లో తయారు చేయబడిన పేజర్‌ల బ్యాచ్‌లో ఇజ్రాయెల్ పేలుడు పదార్థాలను అమర్చింది. ఈ పేజర్లను లెబనాన్ దిగుమతి చేసుకుని హిజ్బుల్లాకు అందించింది.
పేజర్ పేలుడు పరికరంగా ఎలా తయారు చేయబడింది?
పేజర్ ని , 'బీపర్' అని కూడా పిలుస్తారు, ఇది ఒక చిన్న ఎలక్ట్రానిక్ పరికరం,దీని ద్వారా చాలా చిన్న సందేశాలను స్వీకరించవచ్చు, పంపవచ్చు. ఇవి రేడియో ఫ్రీక్వెన్సీపై పనిచేస్తాయి. సందేశం వచ్చినప్పుడు పేజర్ బీప్ అవుతుంది. తొంభైలలో పేజర్లను ఉపయోగించారు.ఇప్పుడు ఉపయోగంలో లేనప్పటికీ, పేజర్లు ఇప్పటికీ ఆరోగ్య సంరక్షణ, అత్యవసర సేవలలో ఉపయోగిస్తున్నారు. NYT నివేదిక ప్రకారం, మంగళవారం పేలిన పేజర్లు తైవాన్‌లో తయారు అయ్యాయి.గోల్డ్ అపోలో అనే కంపెనీ నుండి హిజ్బుల్లా ఈ పేజర్లను ఆర్డర్ చేసింది. అయినప్పటికీ, ఈ పేజర్లు లెబనాన్‌కు చేరుకోకముందే తారుమారు అయ్యాయి. నివేదికల ప్రకారం, ప్రతి పేజర్ బ్యాటరీ పక్కన 30-50గ్రాముల పేలుడు పదార్థాలు అమర్చచారు. దూరంలో కూర్చొని రిమోట్‌ ద్వారా దీనిని ఉపయోగించచ్చు.
ఇజ్రాయెల్ దాడి చేసిందని ఆరోపించిన హిజ్బుల్లా
మంగళవారం మధ్యాహ్నం 3.30 గంటలకు లెబనాన్‌లోని పేజర్లలో ఒక సందేశం వచ్చింది.ఈ మెసేజ్ హిజ్బుల్లా నాయకత్వం పంపినట్లు కనిపించింది. కానీ ఈ సందేశం వాస్తవానికి పేలుడు పదార్థాలను సక్రియం చేసింది. నివేదికల ప్రకారం,పేలుడుకు ముందు పేజర్లు చాలా సెకన్ల పాటు బీప్ అయ్యేలా ప్రోగ్రామ్ చేయబడింది. పేలుళ్లు జరిగిన వెంటనే,హిజ్బుల్లా ఇజ్రాయెల్ దాడి చేసిందని ఆరోపించారు. హిజ్బుల్లా ప్రకారం,దాని సభ్యులు ఉపయోగించే పేజర్లలో లిథియం బ్యాటరీలు అమర్చబడి ఉన్నాయి. తాజా ఘటనపై ఇజ్రాయెల్ ఇంకా స్పందించలేదు. ఈ దాడి ఎలా జరిగి ఉంటుందన్నదానిపై భిన్న వాదనలు వ్యాప్తిలో ఉన్నాయి.
శత్రువులమొత్తం కమ్యూనికేషన్ వ్యవస్థను నాశనం చేసిన ఇజ్రాయెల్
అయితే, ఇప్పటికే సోమవారం,ఇజ్రాయెల్ రక్షణ మంత్రి యోవ్ గాలంట్ US రాయబారి అమోస్ హోచ్‌స్టెయిన్‌తో జరిగిన సమావేశంలో హిజ్బుల్లాతో దౌత్యం కోసం సమయం గడిచిపోయిందని, సైనిక శక్తి ప్రధాన దశకు చేరుకోవచ్చని అన్నారు. కొన్ని గంటల తర్వాత, ఇజ్రాయెల్ శత్రువులమొత్తం కమ్యూనికేషన్ వ్యవస్థను నాశనం చేసింది. గత ఏడాది గాజా యుద్ధం ప్రారంభమైనప్పటి నుంచి హెజ్‌బొల్లా తన సభ్యులను మొబైల్‌ ఫోన్లు వాడొద్దని హెచ్చరించింది, కారణం ఇజ్రాయెల్ గూఢచారులు వీటిలో చొరబడే అవకాశం ఉందన్న ఆందోళనతో ఇలా చేసింది. ఈ నేపథ్యంలో, ఈ ముఠా ఎక్కువగా పేజర్లను ఉపయోగిస్తోంది. అయితే, ఇజ్రాయెల్ ఇప్పుడు పేజర్లను కూడా లక్ష్యంగా మార్చుకుంది.
బ్యాటరీలను వేడెక్కించి, విస్ఫోటం కలిగించినట్లు..
ప్రస్తుతం పేలిన పేజర్లు ఇటీవలి మోడళ్లనే అని సమాచారం. ఈ పేజర్లు ఇరాన్‌ నుంచి లెబనాన్‌లోకి గత కొద్దినెలల్లో వచ్చినట్లు తెలుస్తోంది. ఈ పేజర్లలో పేలుడు పదార్థాలను ముందుగా చొప్పించారని భావిస్తున్నారు. ఇరాన్‌లోని కంపెనీతో కుమ్మక్కై ఉండవచ్చని అనుమానం. ప్రతి పేజర్‌లో 1 నుంచి 3 గ్రాముల పేలుడు పదార్థం ఉంచినట్లు సమాచారం. ఈ పేజర్లను లెబనాన్, సిరియాల్లో పలువురికి అందించిన తర్వాత, రేడియో ఫ్రీక్వెన్సీ ద్వారా పేల్చినట్లు విశ్లేషిస్తున్నారు. సైబర్‌ దాడి ద్వారా ఈ పేజర్లలోని లిథియం బ్యాటరీలను వేడెక్కేలా చేసి, పేలుళ్లను సృష్టించినట్టు సూచనలు ఉన్నాయి. హ్యాకర్లు పేజర్లలోకి చొరబడి, ఒక తప్పుడు అప్‌డేట్‌ను పంపడం ద్వారా ఈ బ్యాటరీలను వేడెక్కించి, విస్ఫోటం కలిగించినట్లు విశ్లేషణలు వినిపిస్తున్నాయి.
