Russia earthquake: రష్యాలో భారీ భూకంపం.. సునామీ హెచ్చరికలు
రష్యాలో భారీ భూకంపం సంభవించింది. తూర్పు తీర ప్రాంత నగరమైన పెట్రోపవ్‌లావ్‌స్కీ-కమ్‌చట్‌స్కీకి 102 కిలోమీటర్ల దూరంలో భూకంప కేంద్రం ఉన్నట్లు యునైటెడ్ స్టేట్ జియోలాజికల్ సర్వే వెల్లడించింది. ఆదివారం ఉదయం 5.25 గంటలకు కంటచ్కా ద్వీపకల్పంలో 7.0 తీవ్రతతో భూమి కంపించింది. ఈ ఘటనలో ఎలాంటి ఆస్తినష్టం, ప్రాణనష్టం జరగలేదు. ఈ భారీ భూకంపం నేపథ్యంలో హొనులులు లోని యూఎస్ నేషనల్ సర్వీస్‌కు చెందిన పసిఫిక్ సునామా హెచ్చరిక కేంద్రం తొలుత సునామీ హెచ్చరీకలు జారీ చేసింది.
కోస్తా ప్రాంతంలో అలలు ఎగిసిపడే అవకాశం
పెట్రోపవ్‌లావ్‌స్కీ-కమ్‌చట్‌స్కీ నగరంలో 1,80,000 మంది నివాసముంటున్నారు. చుట్టూ అగ్నిపర్వతాలు ఉండగా, ఆ ప్రాంతంలో అత్యధిక భాగం నావల్ బేస్ అధీనంలో ఉంది. సునామీ హెచ్చరికలు జారీ చేసిన కొద్దిసేపటికి తర్వాత సునామా హెచ్చరికలు ఉపసంహరించుకుంది. ఇక సముద్ర మట్టంలో కదలికలల కారణంగా కోస్తా ప్రాంతంలోని కొన్నిచోట్ల అలలు ఎగిసిపడే అవకాశం ఉందని అధికారులు తెలిపారు.
