Mexico: మెక్సికో ఎన్నికలలో చరిత్ర.. మొదటి మహిళా అధ్యక్షురాలిగా క్లాడియా షీన్‌బామ్
మెక్సికో ఎన్నికల ఫలితాలు ఈసారి చరిత్ర సృష్టించాయి. తొలిసారిగా ఓ మహిళ మెక్సికో అధ్యక్షురాలైంది. మహిళా అధ్యక్ష అభ్యర్థి క్లాడియా షీన్‌బామ్ ఈ ఎన్నికల్లో విజయం సాధించారు ఇప్పుడు ఆమె అధ్యక్ష ప్రమాణ స్వీకారానికి సిద్ధమవుతున్నారు. మెక్సికోకు చెందిన INE ఎలక్టోరల్ ఇన్‌స్టిట్యూట్ ర్యాపిడ్ శాంపిల్ కౌంటింగ్ ప్రకారం మెక్సికో అధ్యక్ష ఎన్నికల్లో అధికార పార్టీ అభ్యర్థి క్లాడియా షీన్‌బామ్ విజయం సాధించారు.
క్లైడియా షీన్‌బామ్ ఎవరు?
మెక్సికో ఎన్నికలు 2024లో చరిత్ర సృష్టించనున్న క్లాడియా (60) పూర్తి పేరు క్లాడియా షీన్‌బామ్ పార్డో. ఆమె 24 జూన్ 1962న మెక్సికోలోని మెక్సికో నగరంలో జన్మించారు. ఆమె నేషనల్ అటానమస్ యూనివర్శిటీ ఆఫ్ మెక్సికో (UNAM) నుండి భౌతికశాస్త్రంలో బ్యాచిలర్ డిగ్రీని, ఎనర్జీ ఇంజనీరింగ్‌లో PHDని చేశారు. రాజకీయ జీవితం క్లాడియా షీన్‌బామ్ 2018లో మెక్సికో సిటీ మేయర్‌గా బాధ్యతలు చేపట్టారు.ఈ పదవికి ఎన్నికైన మొదటి మహిళ గా చరిత్ర సృష్టించింది. ఆమె (క్లాడియా షీన్‌బామ్) 2000 నుండి 2006 వరకు మెక్సికో సిటీ పర్యావరణ కార్యదర్శిగా కూడా పనిచేశారు. ఆమె మెక్సికన్ ప్రెసిడెంట్ ఆండ్రెస్ మాన్యువల్ లోపెజ్ ఒబ్రాడోర్ పార్టీ అయిన MORENA (నేషనల్ రీజెనరేషన్ మూవ్‌మెంట్)లో ప్రముఖ సభ్యురాలు.
షీన్‌బామ్ శాస్త్రవేత్త కూడా..
క్లాడియా షీన్‌బామ్ కూడా శాస్త్రవేత్త. పర్యావరణం,ఇంధన రంగంలో ఆమె అనేక పరిశోధనలు చేశారు. శాస్త్రవేత్తగా కెరీర్ ప్రారంభించిన ఆమె ఆ తర్వాత రాజకీయాల్లోకి ప్రవేశించారు. షీన్‌బామ్ మెక్సికోలో విప్లవాన్ని తీసుకువచ్చారు క్లాడియా షీన్‌బామ్ మేయర్‌గా పర్యావరణ మెరుగుదలలపై ప్రత్యేక శ్రద్ధ కనబరిచారు. మెక్సికో నగరంలో గాలి నాణ్యతను మెరుగుపరచడానికి అనేక కార్యక్రమాలను ప్రారంభించారు. అదనంగా,ఆమె మెక్సికో నగర ప్రజల జీవన నాణ్యతను మెరుగుపరిచే లక్ష్యంతో సామాజిక న్యాయం, చేరిక కోసం అనేక ప్రాజెక్టులను నడిపారు. క్లాడియా షీన్‌బామ్ ఈ లక్షణాల కారణంగా ఆమె మెక్సికోలో బాగా ప్రాచుర్యం పొందింది. మెక్సికన్ ప్రజలు ఆమె నాయకత్వ సామర్థ్యాలు,శాస్త్రీయ విధానం ,సామాజిక న్యాయం పట్ల ఆకర్షితులయ్యారు. దాని ఫలితమే ఇప్పుడు ఆమె మెక్సికో అధ్యక్షురాలిగా మారబోతోంది.
