Modi-Trump: 'మిస్టర్ ప్రైమ్ మినిస్టర్, యు ఆర్ గ్రేట్': నరేంద్ర మోదీకి డొనాల్డ్ ట్రంప్ ప్రత్యేక బహుమతి
ఈ వార్తాకథనం ఏంటి
అమెరికా పర్యటనలో భాగంగా భారత ప్రధానమంత్రి నరేంద్ర మోదీ (PM Modi)కి ఆ దేశాధ్యక్షుడు డొనాల్డ్ ట్రంప్ (Donald Trump) ఘన స్వాగతం అందించారు.
వీరిద్దరూ శ్వేతసౌధంలో భేటీ అయ్యారు.
ఈ సందర్భంగా ట్రంప్ ప్రధాని మోదీకి ప్రత్యేక బహుమతి అందించారు. ఆయన స్వయంగా రచించిన 'అవర్ జర్నీ టుగెదర్' అనే పుస్తకాన్ని కానుకగా ఇచ్చారు.
ఈ ఫొటోబుక్‌లో ట్రంప్ అధ్యక్ష పదవిలో ఉన్న సమయంలో చోటుచేసుకున్న ముఖ్యమైన సంఘటనలు, విశేషమైన ఈవెంట్లు ఉన్నాయి.
ఇందులో ప్రధాని మోదీ 2019లో అమెరికాలో నిర్వహించిన 'హౌడీ మోదీ' కార్యక్రమం, అలాగే 2020లో ట్రంప్ భారత్‌లో పాల్గొన్న 'నమస్తే ట్రంప్' ఈవెంట్‌కు సంబంధించిన ఫొటోలు ప్రత్యేకంగా చోటు చేసుకున్నాయి.
వివరాలు
అంతర్జాతీయ స్నేహబంధంపై ప్రస్తావన
పుస్తకంపై 'మిస్టర్ ప్రైమ్ మినిస్టర్, యూ ఆర్ గ్రేట్' అని ట్రంప్ స్వహస్తాలతో సంతకం చేసి మోదీకి అందించారు.
అనంతరం, పుస్తకంలోని పేజీలను తిప్పుతూ మోదీతో పాటు ఉన్న చిత్రాలను ఆయనకు చూపించారు.
ఈ సందర్భంగా ట్రంప్ మాట్లాడుతూ - ''భారత ప్రధానికి ఆతిథ్యం ఇవ్వడం ఎంతో గౌరవంగా భావిస్తున్నాను. మోదీ నా మంచి స్నేహితుడు. మా మధ్య బలమైన అనుబంధం ఉంది'' అని అన్నారు.
అటు ప్రధాని మోదీ కూడా ట్రంప్‌ను అభినందిస్తూ - ''అమెరికా అధ్యక్షుడి నుంచి నేర్చుకున్న ముఖ్యమైన విషయం ఆయన తన దేశ ప్రయోజనాలకు అత్యధిక ప్రాధాన్యం ఇవ్వడం. ఇదే విధంగా నేనూ భారత ప్రయోజనాలకు ముందు ప్రాముఖ్యత ఇస్తాను'' అని పేర్కొన్నారు.
వివరాలు
ద్వైపాక్షిక చర్చలు, సహకార ఒప్పందాలు
ట్రంప్‌తో సమావేశంలో మోదీ పలు ద్వైపాక్షిక అంశాలపై చర్చించారు.
అనంతరం వీరిద్దరూ సంయుక్తంగా మీడియా సమావేశంలో పాల్గొన్నారు. ఇరు దేశాల మధ్య వాణిజ్య, రక్షణ సంబంధాలను మరింత బలోపేతం చేయడానికి కట్టుబడి ఉన్నట్లు వెల్లడించారు.
అమెరికా పర్యటనను విజయవంతంగా ముగించుకున్న ప్రధాని మోదీ, స్వదేశానికి తిరుగు ప్రయాణమయ్యారు.