Plain Crash : నదిలో కూలిన బంగ్లాదేశ్ ఎయిర్ ఫోర్స్ శిక్షణ విమానం .. వైమానిక దళ పైలట్ మృతి
బంగ్లాదేశ్‌లోని చిట్టగాంగ్‌లో వాయుసేనకు చెందిన యుద్ధ శిక్షణ విమానం గురువారం నదిపై కుప్పకూలింది. పారాచూట్ సహాయంతో బయటకు వచ్చిన ఇద్దరు పైలట్లను రక్షించారు, అయితే వారిలో ఒకరు మరణించారు. "చిట్టగాంగ్‌లోని పటేంగాలో సాంకేతిక లోపం కారణంగా బంగ్లాదేశ్ వైమానిక దళానికి చెందిన యాక్ 130 ట్రైనీ ఫైటర్ ఎయిర్‌క్రాఫ్ట్ కూలిపోయింది" అని ఇంటర్-సర్వీసెస్ పబ్లిక్ రిలేషన్స్ (ISPR) ప్రకటనలో ప్రభుత్వ మీడియా తెలిపింది. చిట్టగాంగ్ మెట్రోపాలిటన్ పోలీస్ పోర్ట్ ఏరియా డిప్యూటీ కమిషనర్ షకీలా సుల్తానా మాట్లాడుతూ, విమానం స్థానిక కాలమానం ప్రకారం ఉదయం 11 గంటలకు కర్ణఫులి నదిపై కూలిపోయి పటేంగాలోని బోట్ క్లబ్ సమీపంలో పడిపోయింది.
కూలిపోయిన విమానం శిధిలాలను గుర్తించేందుకు ప్రయత్నం
గాయపడిన ఇద్దరు పైలట్లను పారాచూట్‌ల సహాయంతో బైటపెట్టి కంబైన్డ్ మిలిటరీ ఆసుపత్రికి తరలించామని, అక్కడ స్క్వాడ్రన్ లీడర్ ముహమ్మద్ అసిమ్ జవాద్ మరణించారని రాష్ట్ర వార్తా సంస్థ BSS న్యూస్ తెలిపింది. ఓడరేవులో నిలబడి ఉన్న వివిధ నౌకలకు చెందిన డైవర్లు, అగ్నిమాపక సిబ్బంది, నావికులు కూలిపోయిన విమానం శిధిలాలను గుర్తించేందుకు ప్రయత్నిస్తున్నారని అధికారి తెలిపారు.
