Modi-Putin Meeting: నేడు రష్యా అధ్యక్షుడు పుతిన్‌తో ప్రధాని మోదీ సమావేశం.. ఉక్రెయిన్ అంశం చర్చకు వచ్చేనా..?
రష్యా అధ్యక్షుడు వ్లాదిమిర్ పుతిన్ నేడు ప్రధాని నరేంద్ర మోదీతో విస్తృత చర్చలు జరపనున్నారు. ఈ సమయంలో, వాణిజ్యం, ఇంధనం, రక్షణ, తయారీ, ఎరువులతో సహా ఇతర రంగాలలో ద్వైపాక్షిక సంబంధాలను మరింత విస్తరించే మార్గాలను చర్చించవచ్చు. మొత్తానికి ప్రధాని మోదీ రష్యా టూర్ లో ఆర్థిక సమస్య ల పైనే దృష్టి సారించనుంది. ఇది కాకుండా, మోడీ-పుతిన్ సమ్మిట్‌లో ఉక్రెయిన్ యుద్ధం కూడా ప్రధాన ఎజెండా కావచ్చు. ఉక్రెయిన్ యుద్ధానికి సంబంధించి ఈ సమ్మిట్‌లో.. యుద్ధరంగంలో పరిష్కారం దొరకదని రష్యా అధ్యక్షుడికి ప్రధాని మోదీ కూడా ఉద్ఘాటించనున్నట్లు సమాచారం.
యుద్ధం తర్వాత ఉక్రెయిన్‌కు మొదటి సందర్శన
ఫిబ్రవరి 2022లో ఉక్రెయిన్‌తో యుద్ధం ప్రారంభమైన తర్వాత ఇది నరేంద్ర మోదీ మొదటి పర్యటన . ప్రధాని మోదీ ఈరోజు అధ్యక్షుడు పుతిన్‌తో కలిసి 22వ భారత్-రష్యా వార్షిక శిఖరాగ్ర సమావేశానికి అధ్యక్షత వహించనున్నారు. ప్రధాని మోదీ సోమవారం ఇక్కడికి చేరుకున్నారు. అధ్యక్షుడు పుతిన్ తన అధికారిక నివాసం నోవో-ఒగారియోవోలో జరిగిన ప్రైవేట్ సమావేశంలో ప్రధాని మోదీకి స్వాగతం పలికారు. ఇది ఇద్దరు సన్నిహితులు, విశ్వసనీయ భాగస్వాముల సమావేశం అని విదేశాంగ మంత్రిత్వ శాఖ ప్రతినిధి సోషల్ మీడియా ప్లాట్‌ఫారమ్ X లో రాశారు. భారత్-రష్యా స్నేహబంధాన్ని జరుపుకునేందుకు ఇరువురు నేతలకు ఇదో అవకాశం అని రాశారు.
భారత్-రష్యా బలమైన భాగస్వామ్యం
మాస్కో చేరుకున్న అనంతరం ప్రధాని మోదీ మాట్లాడుతూ భారత్-రష్యా భాగస్వామ్యాన్ని మరింత బలోపేతం చేసేందుకు తాను ఆసక్తిగా ఉన్నానని చెప్పారు. రెండు దేశాల మధ్య బలమైన సంబంధాలు మన ప్రజలకు ఎంతో మేలు చేస్తాయి. చివరి శిఖరాగ్ర సమావేశం డిసెంబర్ 6, 2021న ఢిల్లీలో జరిగింది. ఈ సదస్సులో పాల్గొనేందుకు అధ్యక్షుడు పుతిన్ భారత్ చేరుకున్నారు.
