అట్టహాసంగా బాస్టిల్ డే పరేడ్.. అద్భుత విన్యాసాలు వీక్షించిన మోదీ, మాక్రాన్
ఫ్రాన్స్ జాతీయ దినోత్సవం (బాస్టీల్ డే) వేడుకలు అట్టహాసంగా జరిగాయి. ఫ్రెంచ్ దేశంలో 2 రోజుల పర్యటన నిమిత్తం ప్రధాని నరేంద్ర మోదీ వేడుకలకు గౌరవఅతిథిగా హాజరయ్యారు. ఈ మేరకు ఫ్రాన్స్ అధ్యక్షుడు ఇమ్మాన్యుయేల్‌ మాక్రాన్‌తో కలిసి బాస్టీల్ డే పరేడ్‌ను వీక్షించారు. మరోవైపు యూరోపియన్ దేశాల్లోనే అతిపెద్ద కవాతుగా బాస్టీల్ డే పరేడ్ పేరు గాంచింది. అయితే ఈ వేడుకల్లో భారత సైనిక బృందాలూ పాల్గొన్నాయి. భారత సాయుధ దళాలకు చెందిన 269 మందితో కూడిన బృందం,ఫ్రెంచ్ దళాలతో కలిసి పరేడ్ నిర్వహించాయి. భారత్‌కు చెందిన 4 రఫేల్‌, రెండు సీ-17 గ్లోబ్‌ మాస్టర్లు పారిస్ లో అద్భుత విన్యాసాలు ప్రదర్శించాయి. అనంతరం మాక్రాన్‌తో మోదీ కీలక ద్వైపాక్షిక చర్చల్లో పాల్గొననున్నారు.
పారిస్ లో ఘనంగా ఫ్రాన్స్ బాస్టిల్ డే వేడుకలు
https://twitter.com/PTI_News/status/1679771989395791872
