UK: బ్రిటన్‌లో రష్యా అల్లకల్లోలం సృష్టించాలని చూస్తోంది: UK గూఢచారి చీఫ్
ఈ వార్తాకథనం ఏంటి
గత రెండేళ్లుగా రష్యా-ఉక్రెయిన్ యుద్ధం కొనసాగుతోంది. ఈ క్రమంలో బ్రిటన్‌కు చెందిన ఇంటెలిజెన్స్ ఏజెన్సీ పలు సంచలన విషయాలను వెల్లడించింది.
ఉక్రెయిన్‌కు మద్దతుగా నిలిచిన బ్రిటన్‌లో అల్లకల్లోలం సృష్టించేందుకు రష్యా యత్నిస్తుందని ఎమ్‌ఐ5 ఏజెన్సీ పేర్కొంది.
యూకేకు చెందిన ఎమ్‌ఐ5 తన వార్షిక నివేదికలో దీనికి సంబంధించిన విషయాలను తాజాగా వెల్లడించింది.
ఈ సందర్భంగా ఎమ్‌ఐ5 డైరెక్టర్‌ జనరల్‌ కెన్‌ మెక్‌ కలమ్‌ మాట్లాడుతూ, రష్యా-ఉక్రెయిన్ యుద్ధం ప్రారంభం నుంచి బ్రిటన్ పౌరులకు, నివాసితులకు బెదిరింపులు వస్తున్నాయని అన్నారు.
ఈ క్రమంలో ఇరాన్ మద్దతుతో జరిగిన 20కుట్రలను భగ్నం చేసినట్లు ఆయన తెలిపారు.
అదేవిధంగా 2017 మార్చి నుంచి ఎమ్‌ఐ5,యూకే భద్రతా అధికారులు సంయుక్తంగా దాదాపు 43 కుట్రలను తిప్పికొట్టినట్లు పేర్కొన్నారు.
వివరాలు
18 ఏళ్ల లోపు యువత 13 శాతం మంది ఉగ్రవాద కార్యకలాపాల్లో..
రష్యా మిలటరీ ఇంటెలిజెన్స్ ఏజెన్సీ యూకేలో ప్రమాదకరమైన విధ్వంసాన్ని సృష్టించాలనుకుంటున్నట్లు ఆయన తెలిపారు.
ఇందులో భాగంగా రష్యా-ఇరాన్ దేశాలు నేరస్థులను, ప్రైవేట్ ఇంటెలిజెన్స్ అధికారుల నియామకాలను చేపడుతున్నాయని ఆరోపించారు.
18 ఏళ్ల లోపు యువతలో 13 శాతం మంది ఈ ఉగ్రవాద కార్యకలాపాల్లో పాల్గొనే అవకాశం ఉందన్నారు.
ఈ సంఖ్య గత మూడేళ్లలో మరింత పెరిగిందని ఆందోళన వ్యక్తం చేశారు.
చాలామంది యువకులను ఆన్‌లైన్ తీవ్రవాదంలోకి లాగుతున్న సందర్భాలున్నాయని ఆయన తెలిపారు.
ఇక, యూకేలో తీవ్రవాద కుట్రలు పెరిగిపోతున్నాయన్నారు. ఐదింట మూడో వంతు అల్లర్లు జరిగే అవకాశం ఉందని ఆయన హెచ్చరించారు.