South Korea: దక్షిణ కొరియాలో ఎమర్జెన్సీ.. తిరస్కరిస్తూ పార్లమెంటు తీర్మానం
ఈ వార్తాకథనం ఏంటి
దక్షిణ కొరియాలో మంగళవారం అనూహ్య పరిణామాలు చోటుచేసుకున్నాయి. దేశంలో ప్రతిపక్షాలు వ్యతిరేక చర్యలకు పాల్పడుతున్నాయని ఆరోపిస్తూ, అధ్యక్షుడు యూన్ సుక్ యోల్ అత్యవసర పరిస్థితి (మార్షల్ లా)ను విధించారు. అయితే ప్రతిపక్షాలు ఆధిక్యంలో ఉన్న పార్లమెంటు, ఈ నిర్ణయాన్ని తీవ్రంగా వ్యతిరేకిస్తూ, ఎమర్జెన్సీని తక్షణమే రద్దు చేయాలని తీర్మానం చేసింది. అధ్యక్షుడి ఆదేశాల నేపథ్యంలో సైన్యం చర్యలు ప్రారంభించింది. పార్లమెంటు, ఇతర రాజకీయ సమావేశాలు నిర్వహించరాదని ఆంక్షలు విధించింది. ఇంకా, ఎమర్జెన్సీ ఆదేశాలను అవహేళన చేసే వారిని వారెంట్ అవసరం లేకుండా అరెస్ట్ చేస్తామని హెచ్చరించింది.
వివరాలు
పార్లమెంటు మెజారిటీ ఓటుతో ఎమర్జెన్సీని రద్దు
దక్షిణ కొరియా చట్టాల ప్రకారం, పార్లమెంటు మెజారిటీ ఓటుతో ఎమర్జెన్సీని రద్దు చేయవచ్చు. ఈ క్రమంలో, అధ్యక్షుడి చర్యలను తప్పుబట్టిన పార్లమెంటు, ఎమర్జెన్సీని రద్దు చేయాలని తీర్మానం చేసింది. దీనివల్ల కొన్ని టీవీ ప్రసారాల్లో, సైన్యం పార్లమెంటు ప్రాంతం నుంచి వెనక్కి తగ్గుతున్న దృశ్యాలు కనిపించాయి. ఈ పరిణామాలు దక్షిణ కొరియా రాజకీయ రంగంలో ప్రధాన చర్చనీయాంశంగా మారాయి.