America: కమలా హారిస్‌తో భేటీకి ట్రంప్ అంగీకారం.. నిబంధనలు ఇవే..
అమెరికాలో అధ్యక్ష ఎన్నికల వాతావరణం నెలకొంది. రిపబ్లికన్ అభ్యర్థి డొనాల్డ్ ట్రంప్ తన ప్రత్యర్థి డెమోక్రటిక్ అభ్యర్థి కమలా హారిస్‌తో డిబేట్‌ కు అంగీకరించారు. ఇద్దరు అధ్యక్ష అభ్యర్థుల మధ్య చర్చ సెప్టెంబర్ 10న ఫిలడెల్ఫియాలోని ABC న్యూస్‌లో ప్రత్యక్ష ప్రసారం కానుంది. అంతకుముందు, ఈ డిబేట్‌లో పాల్గొనడానికి ట్రంప్ నిరాకరించారు, కానీ బుధవారం అయన సోషల్ మీడియాలో తన సమ్మతిని వ్యక్తం చేశాడు. చర్చ సందర్భంగా నిబంధనలను మార్చబోమన్నారు.
చర్చకు సంబంధించిన వివాదం ఏమిటి?
జూన్ 27న సీఎన్‌ఎన్‌లో జరిగిన చర్చలో పాటించిన నియమాలను అనుసరించడానికి తాను, కమలా హారిస్ ఒప్పందానికి వచ్చామని ట్రంప్ పేర్కొన్నారు. ఈ చర్చలో ప్రత్యక్ష ప్రేక్షకులు ఉండరని, అభ్యర్థులు మాట్లాడనప్పుడు వారి మైక్రోఫోన్లు మ్యూట్ చేసి ఉంటాయని తెలిపారు. హారిస్ అభ్యర్థి అయిన తర్వాత, ట్రంప్ ఆమెను సెప్టెంబర్ 4న ఫాక్స్ న్యూస్‌లో ఆహ్వానించారు, కానీ హారిస్ తిరస్కరించారు. సెప్టెంబర్ 10న తదుపరి చర్చకు హారిస్ అంగీకరించినప్పటికీ, ట్రంప్ సిద్ధంగా లేరు.
