Donald Trump: విదేశీ ఉద్యోగులపై ట్రంప్ యూ-టర్న్.. వారిని నియమించుకోండంటూ పోస్ట్
ఈ వార్తాకథనం ఏంటి
అమెరికా పరిశ్రమలలో విదేశీ కార్మికుల అవసరం ఉందని యునైటెడ్ స్టేట్స్ అధ్యక్షుడు డొనాల్డ్ ట్రంప్ స్పష్టం చేశారు. దక్షిణ కొరియా అమెరికాలో పెట్టుబడులు పెట్టే విషయంపై ఆలోచిస్తామంటూ హెచ్చరికలు వచ్చిన నేపథ్యంలో అధ్యక్షుడు దెబ్బకు దిగొచ్చారు.ఇంతకీ ఏం జరిగిందంటే..? ట్రంప్ అధికారంలోకి వచ్చినప్పటి నుండి అక్రమ వలసదారులపై కఠిన చర్యలు చేపడుతున్నారు. వారిని గుర్తించి, వెంటనే తమ దేశాలకు తిరిగి పంపే విధంగా నిబంధనలు అమలు చేస్తున్నారు. ఇందులోభాగంగానే, ఇటీవల జార్జియాలోని ఓ ప్లాంట్ వద్ద 475 మంది అక్రమ వలసదారులను హోంల్యాండ్ సెక్యూరిటీ శాఖ అదుపులోకి తీసుకున్నట్లు ప్రకటించింది. సమాచారం ప్రకారం,ఈ రైడ్ జరగడానికి ప్రధాన కారణం హ్యుందాయ్ కంపెనీ ప్లాంట్‌లో దక్షిణ కొరియా వాసులు అక్రమంగా పనిచేస్తున్నారని అందిన సమాచారం.
వివరాలు
ఎక్స్ వేదికగా డొనాల్డ్ ట్రంప్ పోస్టు
అదుపులోకి తీసుకున్నవారిలో ఎక్కువ సంఖ్య దక్షిణ కొరియా పౌరులే ఉన్నారు. ఈ ఘటన రెండు దేశాల మధ్య దౌత్యపరమైన ఉద్రిక్తతలకు దారితీసింది. దక్షిణ కొరియా అధ్యక్షుడు లీ జే మ్యూంగ్, ప్రస్తుతం ఉన్న పరిస్థితులను దృష్టిలోకి తీసుకొని, తమ వ్యాపార సంస్థలు యూఎస్‌లో పెట్టుబడులు పెట్టడానికి వెనకాడతాయి'' అని హెచ్చరించారు. ఈ నేపథ్యంలో డొనాల్డ్ ట్రంప్ ఎక్స్ వేదికగా పోస్టు పెట్టారు.
వివరాలు
వారి నుంచి మన కార్మికులు శిక్షణ పొందాలి
''సంక్లిష్టమైన ఉత్పత్తులను తయారుచేసే విదేశీ కంపెనీలు అమెరికాలో భారీ పెట్టుబడులు పెట్టినప్పుడు నైపుణ్యం కలిగిన కార్మికుల అవసరం తప్పనిసరి అవుతుంది. కొంతకాలం పాటు నైపుణ్యంతో కూడిన కార్మికులను ఆ కంపెనీలు మా దేశానికి తీసుకురావాలని నేను కోరుకుంటున్నాను. మన కార్మికులు వారితో కలిసి శిక్షణ పొందాలి. లేకపోతే ఆ భారీ పెట్టుబడుల వల్ల ఎలాంటి ప్రయోజనం ఉండదు. మేము విదేశీ సంస్థల నుండి కార్మికులను స్వాగతిస్తున్నాము. వారిని అధ్యయనం చేసి, వారి కన్నా మెరుగ్గా అభివృద్ధి చెందతాం'' అని ఆయన వ్యాఖ్యానించారు.