Deepseek: అమెరికాను షేక్ చేస్తున్న చైనా ఏఐ ''డీప్‌సీక్‌''.. ఉద్యోగులు ఇన్‌స్టాల్ చేయొద్దని యూఎస్ కాంగ్రెస్ ఆదేశం..
ఈ వార్తాకథనం ఏంటి
అమెరికాలోని ఆర్టిఫిషియల్ ఇంటెలిజెన్స్ (AI) మార్కెట్‌ను చైనా అభివృద్ధి చేసిన ''డీప్‌సీక్‌'' ఏఐ టూల్ కుదిపేసింది. డీప్‌సీక్‌ ప్రభావంతో, చాట్‌జీపీటీ వంటి ప్రముఖ ఏఐ మోడల్స్ కూడా ఆందోళనకు గురయ్యాయి. ప్రస్తుతం ఏఐ రంగంలో ఆధిపత్యం చెలాయిస్తున్న అమెరికాకు చైనా సమర్థంగా పోటీ ఇచ్చింది. ఈ నేపథ్యంలో, అమెరికా కాంగ్రెస్ తన కార్యాలయాల్లో చైనీస్ చాట్‌బాట్ డీప్ సీక్ వినియోగాన్ని నిషేధిస్తూ హెచ్చరికలు జారీ చేసింది. డీప్ సీక్ వల్ల కాంగ్రెస్ భద్రత మరియు పరిపాలనకు ముప్పు ఏర్పడుతుందని పేర్కొంది. దీని ప్రభావంతో హౌజ్ చీఫ్ అడ్మినిస్ట్రేటివ్ ఆఫీసర్ తగిన జాగ్రత్త చర్యలు తీసుకోవాల్సి వచ్చింది.
వివరాలు
మైక్రోసాఫ్ట్ కోపైలెట్ నిషేధం
చీఫ్ అడ్మినిస్ట్రేషన్ ఆఫీసర్ ప్రకారం, డీప్ సీక్ ప్రస్తుతం వినియోగంలో ఉంది. ఇది చైనాకు చెందిన ఏఐ టూల్ కావడంతో అత్యంత విలువైన సమాచారాన్ని మోసగించగల ప్రమాదం ఉందని అమెరికా భయపడుతోంది. అందుకే, ఉద్యోగులు దీన్ని ఉపయోగించకూడదని కఠినంగా హెచ్చరించారు. అలాగే, అధికారిక ఫోన్లు, కంప్యూటర్లు, టాబ్లెట్లలో డీప్ సీక్ ఇన్‌స్టాల్ చేయడాన్ని పూర్తిగా నిషేధించారు. అయితే, ఇది ఏఐ వినియోగంపై అమెరికా ప్రభుత్వం విధించిన మొదటి పరిమితి కాదు. 2023లో చాట్‌జీపీటీ వాడకంపై కూడా ఆంక్షలు విధించబడిన విషయం తెలిసిందే. ఉద్యోగులు నిర్దిష్ట పనుల కోసం మాత్రమే చాట్‌జీపీటీ పెయిడ్ వెర్షన్‌ను ఉపయోగించేలా నియంత్రణలు విధించారు. అంతేకాదు, గత ఏప్రిల్‌లో మైక్రోసాఫ్ట్ కోపైలెట్ వినియోగాన్ని కూడా నిషేధించారు.