Stock market today: భారీ నష్టాల్లో దేశీయ స్టాక్ మార్కెట్ సూచీలు.. 1200 పాయింట్లు డౌన్‌ అయ్యిన సెన్సెక్స్..
ఈ వార్తాకథనం ఏంటి
ఈ రోజు దేశీయ స్టాక్ మార్కెట్ సూచీలు భారీ నష్టాలను చవిచూశాయి. ఉదయం స్వల్ప లాభాలతో ప్రారంభమైన సూచీలు, ఐటీ స్టాక్స్‌లో అమ్మకాల ఒత్తిడి కారణంగా భారీగా పతనమయ్యాయి.
అమెరికా అధ్యక్ష ఎన్నికల్లో గెలిచిన డొనాల్డ్ ట్రంప్ అనుసరించనున్న విధానాలు, వాణిజ్య యుద్ధ భయాలు, అలాగే ఫెడ్‌ వడ్డీ రేట్ల కోతపై ఉన్న అనిశ్చితి ఈ నష్టాలకు ప్రధాన కారణాలుగా కనిపించాయి.
సెన్సెక్స్ 1200 పాయింట్ల నష్టంతో ముగిసింది, కాగా నిఫ్టీ 24 వేల పాయింట్ల కిందకి జారుకుంది.
బీఎస్‌ఈలోని కంపెనీల మొత్తం మార్కెట్ విలువ ₹2 లక్షల కోట్ల మేర క్షీణించి ₹443 లక్షల కోట్లకు చేరుకుంది.
వివరాలు
రూపాయి విలువ డాలరుకు 9 పైసలు తగ్గి 84.49 వద్ద నిలిచింది
సెన్సెక్స్ ఉదయం 80,281.64 పాయింట్ల వద్ద స్వల్ప లాభంతో ప్రారంభమై, తర్వాత 10.30 గంటల తరువాత భారీ నష్టాలను చవిచూసింది.
ఇంట్రాడేలో సెన్సెక్స్ 78,918.92 పాయింట్ల కనిష్ఠ స్థాయికి పడిపోయి, 1190.34 పాయింట్ల నష్టంతో 79,043.74 వద్ద ముగిసింది.
నిఫ్టీ 360.75 పాయింట్ల నష్టంతో 23,914.15 వద్ద స్థిరపడింది. రూపాయి విలువ డాలరుకు 9 పైసలు తగ్గి 84.49 వద్ద నిలిచింది.
సెన్సెక్స్ 30 సూచీలలో ఎస్‌బీఐ మాత్రమే నష్టాన్ని మినహాయించగా,ఇతర షేర్లు నష్టాల్లో ముగిశాయి.
ముఖ్యంగా మహీంద్రా అండ్ మహీంద్రా,ఇన్ఫోసిస్, బజాజ్ ఫైనాన్స్,హెచ్‌సీఎల్ టెక్నాలజీస్, అదానీ పోర్ట్స్ షేర్లు నష్టాన్ని చూడగా, అంతర్జాతీయ మార్కెట్లో బ్రెంట్ క్రూడ్ 73 డాలర్ల వద్ద కొనసాగుతోంది, బంగారం ఔనసు 2645 డాలర్ల వద్ద ట్రేడవుతోంది.
వివరాలు
ముఖ్యమైన కారణాలు
అమెరికాలో అక్టోబర్ నెలలో వినియోగదారుల ఖర్చు గణాంకాలు వెలువడటంతో ఫెడ్‌ వడ్డీ రేట్ల కోతపై అంచనాలు మారాయి.
మార్కెట్ అంచనాలు 0.3% కాగా, వాస్తవంగా 0.4% నమోదు కావడం వలన వడ్డీ రేట్ల కోతను నెమ్మదించవచ్చన్న అభిప్రాయం వ్యాప్తి చెందింది.
ఈ అంచనాల నేపథ్యంలో దేశీయ ఐటీ, ఆటో స్టాక్స్‌లో అమ్మకాల ఒత్తిడి పెరిగింది. నిఫ్టీ ఐటీ ఇండెక్స్ 2.39% నష్టాన్ని చవిచూసింది, నిఫ్టీ ఆటో ఇండెక్స్ 1.63% పతనమైంది.
అందిన సమాచారం ప్రకారం, విదేశీ మదుపర్లు ఈసారి నెట్ బయ్యర్లుగా ఉన్నప్పటికీ, డాలర్ ఇండెక్స్ బలపడటం వలన ఈ ఉత్పత్తి క్రమంలో ఎఫ్‌ఐఐలు బలహీనత చూపించాయి.