SBI Branches: మరో 500ఎస్‌బిఐ శాఖలు ప్రారంభం..మొత్తం నెట్‌వర్క్‌ను 23,000కి: నిర్మలా సీతారామన్
ఈ వార్తాకథనం ఏంటి
ఆర్థిక మంత్రి నిర్మలా సీతారామన్ (Nirmala Sitharaman) స్టేట్ బ్యాంక్ ఆఫ్ ఇండియా (SBI) మరింత విస్తరణకు సిద్ధమైందని వెల్లడించారు.
ప్రస్తుత ఆర్థిక సంవత్సరం ముగిసే నాటికి దేశవ్యాప్తంగా మరో 500 కొత్త బ్రాంచీలు ప్రారంభించనున్నట్లు పేర్కొన్నారు.
ఈ విస్తరణతో ఎస్‌బీఐ బ్రాంచీల సంఖ్య 23,000కు చేరుకోనుంది.
ముంబైలో ఎస్‌బీఐ ప్రధాన కార్యాలయం 100వ వార్షికోత్సవం సందర్భంగా నిర్వహించిన కార్యక్రమంలో ఆమె ఈ వ్యాఖ్యలు చేశారు.
1921లో బ్యాంకు ప్రయాణం ఎలా మొదలైందో గుర్తుచేసుకున్నారు.
వివరాలు
1955లో పార్లమెంట్ చట్టం ద్వారా బ్యాంకు పేరు
''1921లో మూడు ప్రెసిడెన్సీ బ్యాంకులను విలీనం చేసి **ఇంపీరియల్ బ్యాంక్ ఆఫ్ ఇండియా (IBI)**గా ఏర్పాటు చేశారు. 1955లో పార్లమెంట్ చట్టం ద్వారా దీనిని స్టేట్ బ్యాంక్ ఆఫ్ ఇండియాగా మార్చారు. ప్రారంభ దశలో 250 బ్రాంచీలతో ఉన్న ఎస్‌బీఐ, ఇప్పుడు 22,500 బ్రాంచీలతో దేశవ్యాప్తంగా విస్తరించింది. వచ్చే ఏడాది మార్చి నాటికి ఈ సంఖ్య 23,000ను చేరుకోనుంది'' అని ఆమె వివరించారు.
వివరాలు
రూ.100 స్మారక నాణెం విడుదల
ప్రస్తుతం ఎస్‌బీఐకు 50 కోట్లకు పైగా కస్టమర్లు ఉన్నారని, దేశంలోని మొత్తం డిపాజిట్లలో బ్యాంకు వాటా 22.4 శాతం అని పేర్కొన్నారు.
డిజిటల్ పెట్టుబడుల్లో బ్యాంకు వేగంగా అభివృద్ధి చెందుతుందన్నారు. రోజుకు 20 కోట్ల యూపీఐ లావాదేవీలను నిర్వహిస్తున్నట్లు తెలిపారు.
ఈ సందర్భంగా ముంబై బ్రాంచీ శతాబ్దోత్సవాన్ని పురస్కరించుకుని రూ.100 స్మారక నాణెం విడుదల చేశారు.
దేశవ్యాప్తంగా 43 ఎస్‌బీఐ బ్రాంచీలు శతాబ్దం చరిత్ర కలిగినవిగా గుర్తింపు పొందాయని ఆమె చెప్పారు.