Swiggy: 30 నగరాల్లోని 7,000 టెక్ పార్కులలో డెస్క్ ఈట్స్‌ను ప్రారంభించిన స్విగ్గీ
ఈ వార్తాకథనం ఏంటి
వర్కింగ్ ప్రొఫెషనల్స్‌ కోసం స్విగ్గీ తాజాగా 'డెస్క్ ఈట్స్' అనే కొత్త ఫీచర్‌ను తీసుకువచ్చింది. దేశవ్యాప్తంగా 30 నగరాల్లోని 7,000కు పైగా టెక్ పార్కులు, బిజినెస్ సెంటర్లు, కార్పొరేట్ కంప్లెక్స్‌లలో ఈ సర్వీస్‌ అందుబాటులోకి వచ్చింది. ఇందులో ఢిల్లీ, ముంబై, బెంగళూరు, కోల్‌కతా వంటి మెట్రో నగరాలు కూడా ఉన్నాయి. స్విగ్గీ అధికారిక ప్రకటన ప్రకారం, ఈ సేవ సోమవారం ప్రారంభమైంది. ఇది ప్రధానంగా ఆఫీసుల్లో పనిచేసే వారిని దృష్టిలో ఉంచుకుని రూపొందించబడింది. డెస్క్ ఈట్స్ ద్వారా 2 లక్షల రెస్టారెంట్ల నుంచి దాదాపు 7 లక్షల ఐటమ్స్‌ను ఆర్డర్‌ చేయొచ్చు. వినియోగదారులు స్విగ్గీ యాప్‌లో "Office" లేదా "Work" అని టైప్ చేస్తే ఈ ఆప్షన్‌ యాక్సెస్‌ చేయవచ్చు.
వివరాలు
డెస్క్ ఈట్స్ ద్వారా వర్క్‌మీల్‌ అనుభవాన్ని కొత్తగా మార్చాలని మా లక్ష్యం
"ఆఫీసుల్లో పని చేస్తున్నవాళ్లకు పని డెస్క్ దగ్గరే తినే పరిస్థితులు వస్తుంటాయి. అలాంటి సమయంలో ఇది ఎంతో ఉపయోగపడుతుంది. డెస్క్ ఈట్స్ ద్వారా వర్క్‌మీల్‌ అనుభవాన్ని కొత్తగా మార్చాలని మా లక్ష్యం," అని స్విగ్గీ ఫుడ్ స్ట్రాటజీ, కస్టమర్ ఎక్స్‌పీరియన్స్ & న్యూ ఇనిషియేటివ్ విభాగం వైస్ ప్రెసిడెంట్ దీపక్ మలూ తెలిపారు. ఇది స్విగ్గీ ఇప్పటికే అమలు చేస్తున్న కార్పొరేట్ రివార్డ్స్ ప్రోగ్రామ్‌కి కొనసాగింపు అని చెప్పొచ్చు. ఇప్పటి వరకూ ఈ ప్రోగ్రామ్‌ ద్వారా 14,000కి పైగా కంపెనీలు, 1.5 లక్షల మంది ఉద్యోగులు చేరారు. కంపెనీలు తమ ఉద్యోగులకు ఫుడ్ డెలివరీ, ఇన్‌స్టామార్ట్, డైనౌట్‌ లాంటి ప్రయోజనాలను వెల్‌నెస్‌ లేదా ఇన్సెంటివ్‌ ప్లాన్స్‌లో భాగంగా అందించేందుకు ఇది ఉపయోగపడుతోంది.