Stock market today: భారీ నష్టాల్లో దేశీయ స్టాక్ మార్కెట్ సూచీలు
ఈ వార్తాకథనం ఏంటి
దేశీయ స్టాక్ మార్కెట్ సూచీలు తీవ్ర నష్టాల్లో ట్రేడవుతున్నాయి. ప్రధానమైన స్టాక్‌లలో మదుపర్లు లాభాలు స్వీకరించడాన్ని ముందుగా పెరిగిన సూచీలు, ఇప్పుడు నష్టాల బారిన పడుతున్నాయి.
అమెరికా అధ్యక్ష ఎన్నికల్లో డొనాల్డ్ ట్రంప్‌ విజయం సాధించడంతో నిన్నటి ట్రేడింగ్‌ సెషన్‌లో సూచీలు భారీగా పెరిగాయి.
కానీ, నేడు ఈ సూచీలు ఒత్తిడికి గురయ్యాయి. ముఖ్యంగా బ్యాంకింగ్‌, మెటల్ స్టాక్స్‌లో అమ్మకాల కారణంగా సూచీల సెంటిమెంట్‌ దెబ్బతింది.
అంతేకాక, ఫెడ్ వడ్డీ రేట్లపై తన నిర్ణయాలను వెల్లడించకపోవడంతో మదుపర్లు అప్రమత్తంగా ఉన్నట్లు కనిపిస్తోంది.
వివరాలు
సెన్సెక్స్ 850 పాయింట్ల మేర నష్టం
సెన్సెక్స్ 850 పాయింట్ల మేర నష్టపోయింది. నిఫ్టీ 24,300 దిగువన ట్రేడవుతోంది. ఉదయం 10:45 గంటల సమయంలో సెన్సెక్స్ 854 పాయింట్ల నష్టంతో 79,529 వద్ద ట్రేడవుతూ, నిఫ్టీ 279 పాయింట్లు తగ్గి 24,210 వద్ద కొనసాగుతోంది.
సెన్సెక్స్ 30 సూచీలో టెక్ మహీంద్రా, అల్ట్రాటెక్ సిమెంట్‌, బజాజ్ ఫిన్‌సర్వ్‌, ఎంఅండ్‌ఎం, పవర్‌గ్రిడ్ కార్పొరేషన్‌, సన్‌ఫార్మా, ఇన్ఫోసిస్‌, టాటా మోటార్స్‌, ఇండస్‌ఇండ్ బ్యాంక్, ఐసీఐసీఐ బ్యాంక్ షేర్లు నష్టాల్లో ఉన్నాయి. టాటా స్టీల్‌, ఎల్‌అండ్‌టీ మాత్రమే లాభాల్లో కొనసాగుతున్నాయి.