Geethanjali Malli Vachindi: స్మశాన వాటికలో 'గీతాంజలి మళ్లీ వచ్చింది' టీజర్
అంజలి లీడ్ రోల్‌లో న‌టిస్తున్న తాజా చిత్రం'గీతాంజలి మళ్ళీ వచ్చింది'.ఈ సినిమా నిర్మాతలు టీజర్ ఆవిష్కరణ కోసం సరికొత్తగా బేగంపేట్ శ్మశానవాటికలో టీజర్ లాంచ్ చేస్తున్నట్లు ప్రకటించారు. అంజలి ప్రధాన పాత్రలో,నూతన దర్శకుడు శివ తుర్లపాటి దర్శకత్వం వహించిన ఈ చిత్రం టీజర్‌ను ఫిబ్రవరి 24న సాయంత్రం 7 గంటలకు హైదరాబాద్‌లోని బేగంపేట శ్మశానవాటికలో విడుదల చేయనున్నారు. ఈ ఈవెంట్‌కు సంబంధించిన ప్రోమోను విడుదల చేశారు.ప్రస్తుతం ఈవీడియో సోషల్ మీడియాలో వైరల్ అవుతోంది. గీతాంజలి మళ్లీ వచ్చింది అంజలి 50వ సినిమా. ఈ చిత్రంలో శ్రీనివాస్ రెడ్డి,సత్యం రాజేష్,సత్య, షకలక శంకర్,అలీ,బ్రహ్మాజీ,రవిశంకర్,రాహుల్ మాధవ్ తదితరులు కీలక పాత్రలు పోషిస్తున్నారు. ప్రవీణ్ లక్కరాజు సంగీతం అందించిన ఈ సినిమాను కోన వెంకట్,MVV సినిమాస్ నిర్మించింది.
