Nandyala-Allu Arjun-Election Campaign: నంద్యాలలో అల్లు అర్జున్ ఎన్నికల ప్రచారం
ఈ వార్తాకథనం ఏంటి
ఐకాన్ స్టార్ అల్లు అర్జున్ నంద్యాల ఎన్నికల ప్రచారంలో సందడి చేశారు.
వైఎస్సార్ కాంగ్రెస్ పార్టీ ఎమ్మెల్యే అభ్యర్థి శిల్పా రవి తరఫున ప్రచారం చేసేందుకు అల్లు అర్జున్ శనివారం నంద్యాల వెళ్లారు.
అల్లు అర్జున్ ను చూసేందుకు ఆయన అభిమానులు పెద్ద సంఖ్యలో అక్కడికి చేరుకున్నారు.
శిల్పా రవి ఇంటివద్ద అభిమానులు జన సంద్రాన్ని తలపించారు. అల్లు అర్జున్ వారందర్నీ ఛేదించుకుంటూ శిల్పా రవి ఇంటిలోకి చేరుకోవడానికి చాలా కష్టపడ్డారు.
ఇక అభిమానుల్ని నిరుత్సాహ పరచడం ఇష్టం లేని బన్నీ తన మిత్రుడు ఇంటి బాల్కనీ నుంచి ఫ్యాన్స్ కు చేతులూపుతూ అభివాదం చేశారు.
Nandyala-Allu Arjun
గత ఎన్నికల్లోనూ ప్రచారం చేసిన బన్నీ
గత ఎన్నికల్లో నంద్యాల అసెంబ్లీ శాసన సభ నియోజకర్గం నుంచి శిల్పా రవిచంద్రారెడ్డి పోటీ చేశారు.
అప్పుడు కూడా శిల్పా రవికి అల్లు అర్జున్ ఎన్నికల ప్రచారం చేశారు. ఆ ఎన్నికల్లో భారీ మెజార్టీతో శిల్పా రవి గెలుపొందారు.
రాజకీయం వేరు స్నేహం వేరు అని ఈ సందర్భంగా బన్నీ నిరూపించారు.
ఓ వైపు బన్నీ ఫ్యాన్స్, మరోవైపు వైసీపీ కార్యకర్తలతో నంద్యాల కిక్కిరిసిపోయింది.