ఆస్కార్ 2023: ఉత్తమ చిత్రానికి నామినేట్ అయిన సినిమాలు లభించే ఓటీటీ ఫ్లాట్ ఫామ్స్
ఈ వార్తాకథనం ఏంటి
ప్రతిష్టాత్మక ఆస్కార్ అవార్డుల నామినేషన్స్ నిన్న రాత్రి బయటకు వచ్చాయి. 95వ ఆస్కార్ అవార్డుల ఉత్సవంలో ఉత్తమ చిత్రం విభాగంలో 10సినిమాలు నామినేషన్లలో నిలిచాయి. నామినేట్ అయిన సినిమాలు ఓటీటీలో ఎక్కడ దొరుకుతాయో తెలుసుకోండి.
టాప్ గన్ మావ్రిక్, బాన్షీస్ ఆఫ్ ఇన్షిరీన్
టామ్ క్రూజ్ నటించిన యాక్షన్ డ్రామా "టాప్ గన్ మావ్రిక్", 1985లో వచ్చిన టాప్ గన్ అనే సినిమాకు సీక్వెల్ గా వచ్చింది. ఇది అమెజాన్ ప్రైమ్ వీడియో అందుబాటులో ఉంది.
ఇద్దరు ప్రాణ స్నేహితుల కథగా వచ్చిన బాన్షీస్ ఆఫ్ ఇన్షిరీస్, డిస్నీ ప్లస్ హాట్ స్టార్ లో స్ట్రీమింగ్ అవుతోంది.
అవతార్ సినిమా ఇంకా థియేటర్లలో ఉంది. హాట్ స్టార్ లోకి వస్తుందని సమాచారం .
ఆస్కార్ అవార్డ్స్
ఆస్కార్ ఉత్తమ చిత్రానికి నామినేట్ అయిన చిత్రాలు లభించే ఓటీటీ ఫ్లాట్ ఫామ్స్
అమెరికాకు చెందిన పాప్ సింగర్ ఎల్విస్ ప్రీస్లీ జీవితం ఆధారంగా వచ్చిన "ఎల్విస్" మూవీ, నవల ఆధారంగా వచ్చిన "విమెన్ టాకింగ్" చిత్రాలు అమెజాన్ ప్రైమ్ వీడియోలో ఉన్నాయి.
"ఎవ్రీధింగ్ ఎవ్రివేర్ ఆల్ ఎట్ వన్స్" అనే సినిమాను బుక్ మై షో స్ట్రీమింగ్ సర్వీసెస్ నుండి అద్దెకు తెచ్చుకోవచ్చు.
బ్లాక్ కామెడీ జోనర్ లో రూపొందిన "ట్రయాంగిల్ సాడ్ నెస్", స్టీవెన్ స్పీల్ బర్గ్ దర్శకత్వం వహించిన "ఫేబుల్ మేన్స్" చిత్రం ఇంకా సైకలాజికల్ డ్రామాగా వచ్చిన "టార్" చిత్రాలు అమెజాన్ ప్రైమ్ లో ఉన్నాయి.
యుద్ధం మంచిది కాదని చెబుతూ వచ్చిన "ఆల్ క్వైట్ ఆన్ ద వెస్ట్రన్ ఫ్రంట్" అనే మూవీ నెట్ ఫ్లిక్స్ లో దొరుకుతుంది.