Kubera: రష్మిక కూల్ లుక్ అదుర్స్.. 'కుబేర'. సినిమా టీజర్ అప్డేట్
ఈ వార్తాకథనం ఏంటి
కోలీవుడ్ స్టార్ ధనుష్, కింగ్ నాగార్జున, రష్మిక మందన్న ప్రధాన పాత్రల్లో నటిస్తున్న సినిమా 'కుబేర'.
ఈ చిత్రానికి టాలీవుడ్ స్టార్ డైరెక్టర్ శేఖర్ కమ్ముల దర్శకత్వం వహిస్తున్నారు.
పాన్ ఇండియా స్థాయిలో రూపొందుతున్నఈ సినిమాను శ్రీ వెంకటేశ్వర సినిమాస్ పతాకంపై సునీల్ నారంగ్, పుస్కూర్ రామ్మోహన్ రావు నిర్మిస్తున్నారు.
ఇప్పటికే విడుదలైన ఫస్ట్ లుక్ పోస్టర్స్, గ్లింప్స్‌కి మంచి స్పందన వచ్చింది.తాజాగా రష్మిక ఆసక్తికరమైన పోస్టర్‌ను విడుదల చేసింది చిత్రబృందం.
కార్తీక పౌర్ణమి సందర్భంగా ఈ నెల 15న ఈ సినిమాకి సంబంధించిన ఫస్ట్ టీజర్ విడుదల కానుంది.
పోస్టర్‌లో ముంబై సముద్రం బ్యాక్‌డ్రాప్‌లో రష్మిక చాలా సింపుల్‌గా,కనిపిస్తున్నారు, దీనితో సినిమాలో ఆమె పాత్ర చాలా క్యూట్ గా ఉంటుందని తెలుస్తోంది.
వివరాలు
బిచ్చగాడిలా ధనుష్
ఈ కొత్త పోస్టర్ ఇప్పుడు సోషల్ మీడియాలో వైరల్‌గా మారింది.
ఇక, రష్మిక గ్లింప్స్‌లో ఓ గునపం పట్టుకుని అడవిలో తవ్వడం చేస్తూ, తవ్వకంలో పెద్ద సూట్‌కేస్ దొరకడం, దానిలో డబ్బులు కనిపించడం వంటి ఆసక్తికర దృశ్యాలు ఉన్నాయి, ఇవి అభిమానులకు ఆసక్తికరంగా అనిపిస్తున్నాయి.
ఇక ధనుష్ ఈ సినిమాలో బిచ్చగాడిలా కనిపించనున్నాడని సమాచారం.
ఈ సినిమా కథ డబ్బు చుట్టూ తిరుగుతుందని తెలుస్తోంది. సినిమా షూటింగ్‌ చివరి దశకు చేరుకుంది, నిర్మాణాంతర పనులు వేగంగా జరుగుతున్నాయి.
తెలుగుతోపాటు తమిళ, హిందీ, కన్నడ, మలయాళ భాషల్లో పాన్ ఇండియా స్థాయిలో విడుదలవుతున్న ఈ చిత్రం ప్రేక్షకుల ముందుకు త్వరలో రాబోతుంది.