SSMB 29: SSMB 29 గురించి తమ్మారెడ్డి భరద్వాజ కీలక వ్యాఖ్యలు.. మహేశ్ అభిమానుల్లో జోష్‌
ఈ వార్తాకథనం ఏంటి
ప్రస్తుతం సినీప్రియులు ఎంతగానో ఎదురుచూస్తున్నప్రాజెక్ట్‌లలో 'SSMB 29' ఒకటి.
రాజమౌళి దర్శకత్వంలో, మహేష్ బాబు హీరోగా నటించనున్న ఈ చిత్రంకోసం ప్రేక్షకులు మరింత ఆసక్తిగా ఎదురు చూస్తున్నారు.
ఈ చిత్రం పై వస్తున్న ఏ అప్‌డేట్‌ అయ్యిన సరే త్వరగా వైరల్ అవుతోంది.
తాజాగా, టాలీవుడ్ ప్రముఖ దర్శకనిర్మాత తమ్మారెడ్డి భరద్వాజ ఒక ఇంటర్వ్యూలో ఈ భారీ ప్రాజెక్ట్ గురించి ప్రస్తావించారు. ప్రస్తుతం ఆ కామెంట్స్‌ నెటిజన్ల మధ్య తెరమీదకు వస్తున్నాయి.
వివరాలు
బిజినెస్‌ కనీసం రూ.2000 కోట్లు దాటొచ్చు: తమ్మారెడ్డి
''మహేశ్-రాజమౌళి (SS Rajamouli)ప్రాజెక్ట్ బడ్జెట్‌ తప్పకుండా రూ.1000 కోట్లను దాటుతుంది.ఈ చిత్రంలో అంతర్జాతీయ నటీనటులు నటిస్తారు.
అలాగే, ఈ చిత్ర బిజినెస్‌ కనీసం రూ.2000 కోట్లు దాటొచ్చని టీమ్‌ అంచనా వేస్తోంది.ఇక ఈ సంఖ్య రూ.3,000-4,000 కోట్లు దాటినా ఆశ్చర్యం ఉండదు.
అయితే, ఇది తెలుగు సినిమా, భారతీయ సినీ పరిశ్రమలో కూడా చరిత్రకెక్కే అవకాశం ఉంటుంది.
ఈ ప్రాజెక్ట్‌ను అంచనా వేయడం కూడా చాలా కష్టం. రాజమౌళి తన విజన్‌తో మళ్ళీ ప్రేక్షకులను ఆకట్టుకుంటాడు.
'బాహుబలి' వచ్చిన తరువాత తెలుగు సినిమా స్థాయి పెరిగిపోయింది. ఇప్పుడు, ₹100 కోట్ల చిత్రాలు సాధారణం అయ్యాయి,'ఆర్‌ఆర్‌ఆర్‌' తరువాత ₹300 కోట్ల చిత్రాలు చిన్న బడ్జెట్‌గా కనిపిస్తున్నాయి.
వివరాలు
ప్రపంచవ్యాప్తంగా తెలుగు సినిమా గురించి మాట్లాడుకుంటారు: తమ్మారెడ్డి
ఇప్పుడు మహేశ్ సినిమా వచ్చాక ₹500 కోట్ల రూపాయలు సాధారణంగా కనిపిస్తుంది.
తెలుగు సినిమాకు అవి ఊహించని స్థాయిలో ఎదుగుతున్నాయి. రాజమౌళి తన విలక్షణ దృక్పథంతో ఇండస్ట్రీని మలుపు తిప్పాడు.
'SSMB 29' తో ఇండస్ట్రీ మరింత ఎత్తు చేరాలని కోరుకుంటున్నాను. ఈ ప్రాజెక్ట్ తరువాత ప్రపంచవ్యాప్తంగా తెలుగు సినిమా గురించి మాట్లాడుకుంటారు'' అని తమ్మారెడ్డి భరద్వాజ చెప్పారు.
మరోవైపు, భారతీయ సినిమా పరిశ్రమలో ఎప్పుడూ చూడని సరికొత్త ప్రపంచాన్ని రాజమౌళి తెరపైకి తీసుకొస్తున్నారని రచయిత విజయేంద్రప్రసాద్ గతంలో పేర్కొన్నారు.
దీనితో ఈ ప్రాజెక్ట్ పై అంచనాలు మరింత పెరిగిపోయాయి.
వివరాలు
లొకేషన్స్‌ ఎంపిక చేసే పనిలో బిజీగా రాజమౌళి
అమెజాన్ అడవుల నేపథ్యం లో సాగే ఈ కథలో ప్రముఖ విదేశీ నటులు కనిపించనున్నారు.
ఈ చిత్రం భారతీయ భాషలతో పాటు, విదేశీ భాషల్లో కూడా విడుదల చేయబడుతుంది.
ఈ చిత్రాన్ని దుర్గా ఆర్ట్స్ పతాకంపై, కె.ఎల్. నారాయణ నిర్మిస్తున్నారు. మహేశ్ బాబు ఈ చిత్రంలో సరికొత్త పాత్రలో కనిపించనున్నారు.
ఈ పాత్ర కోసం ఆయన ఇప్పటికే సన్నద్ధం అవుతూ, తన ప్రిపరేషన్‌లో ఉన్నారు.
అలాగే, రాజమౌళి చిత్రానికి సంబంధించి పనులు ప్రారంభించడంతో ప్రస్తుతం లొకేషన్స్‌ ఎంపిక చేసే పనిలో బిజీగా ఉన్నారు.