ఒకే సినిమాలో చిరు, బాలయ్య, నాగ్, వెంకటేశ్
ఈ వార్తాకథనం ఏంటి
చిరంజీవి, బాలకృష్ణ, నాగార్జున, వెంకటేష్ కలిసి ఓ చిత్రంలో నటించారన్న సంగతి ఎంతమందికి తెలుసు. ఇలాంటి ఓ అరుదైన సంఘటనను నేటి సినీ ప్రేక్షకులు అస్సలు ఊహించి ఉండరు.
కానీ అప్పట్లోనే వీరి కాంబినేషన్ లో ఓ మూవీ రానే వచ్చింది. ఈ నలుగురు స్టార్ల సినిమాలు రిలీజ్ అవుతున్నాయంటే వారం, 10 రోజుల ముందు నుంచే థియేటర్ల వద్ద పెద్ద పండగ వాతావరణం.
తెలుగు సినీ పరిశ్రమలో మెగాస్టార్ చిరంజీవి, నందమూరి బాలకృష్ణ, అక్కినేని నాగార్జున, విక్టరీ వెంకటేష్ టాప్ హీరోలుగా ఓ వెలుగు వెలిగారు.
నిజ జీవితంలోనూ వీరి కోసం పడిచచ్చేంత అభిమానాన్ని సైతం సొంతం చేసుకున్నారు.
Details
ఒకే పాటలో నలుగురు అగ్రహీరోలు... ఫ్యాన్స్ ఫుల్ ఖుషి
చిరు, బాలయ్య, నాగ్, వెంకీలు కలిసి నటించిన సినిమా త్రిమూర్తులు. అయితే వాస్తవానికి ఈ సినిమాలో హీరోగా నటించింది వెంకటేష్ మాత్రమే. కానీ ఓ పాటలో వీరంతా అతిథులుగా సందడి చేశారు.
ఈ చిత్రంలో అలనాటి సోగ్గాడు దివంగత ఫ్యామిలీ హీరో శోభన్ బాబు, కృష్ణంరాజు, విజయశాంతి, భానుప్రియ సైతం ఈ పాటలో కనిపించారు. ప్రస్తుతం ఈ వీడియో నెట్టింట్లో హల్ చల్ చేస్తోంది