Earthquake : లడఖ్ ప్రాంతంలో 5.2 తీవ్రతతో భూకంపం.. భయాందోళనలో ప్రజలు
జమ్ముకశ్మీర్ లోని కిష్త్వార్ ప్రాంతంలో సోమవారం ఉదయం 3.7 తీవ్రతతో భూకంపం సంభవించినట్లు నేషనల్ సెంటర్ ఫర్ సిస్మోలజీ తెలిపింది. నేషనల్ సెంటర్ ఫర్ సిస్మోలజీ ప్రకారం, ఉదయం 6:36 గంటలకు భూకంపం సంభవించింది. సోమవారం సాయంత్రం, కార్గిల్ సమీపంలోని లడఖ్ ప్రాంతంలో 5.2 తీవ్రతతో భూకంపం సంభవించిందని నేషనల్ సెంటర్ ఫర్ సిస్మోలజీ తెలిపింది. భూకంప కేంద్రం భూమికి 10 కిలోమీటర్ల లోతులో ఉంది. జమ్మూతో పాటు లడఖ్‌లోని కార్గిల్‌లో కూడా భూకంపం సంభవించింది. అయితే ఇప్పటి వరకు ఎటువంటి నష్టం జరగలేదని సమాచారం. రాత్రి 9:35 గంటలకు భూకంపం సంభవించింది.
ఈ సంవత్సరం లోయలో సంభవించిన రెండవ భూకంపం
ఉత్తర కశ్మీర్‌లో సోమవారం సాయంత్రం మరోసారి బలమైన ప్రకంపనలు రావడంతో ప్రజలు భయాందోళనకు గురై ఇళ్ల నుంచి బయటకు వచ్చారు. దీంతో చాలాసేపు గందరగోళ పరిస్థితి నెలకొంది. అయితే రిక్టర్ స్కేలుపై భూకంప తీవ్రత తక్కువగా నమోదైంది. ఈ సంవత్సరం లోయలో సంభవించిన రెండవ భూకంపం ఇది.
