Delhi Police: ఢిల్లీలో అరెస్ట్ అయిన లష్కరే ఉగ్రవాది ఓ రిటైర్డ్ ఆర్మీ సిబ్బంది: ఢిల్లీ పోలీస్
ఈ వార్తాకథనం ఏంటి
ఢిల్లీ పోలీసులు ఆదివారం న్యూఢిల్లీ రైల్వే స్టేషన్ నుండి రిటైర్డ్ ఆర్మీ సైనికుడు,నిషేధిత ఉగ్రవాద సంస్థ లష్కరే తోయిబా (ఎల్‌ఈటీ) సభ్యుడు రియాజ్ అహ్మద్‌ను అరెస్టు చేశారు.
జమ్ముకశ్మీర్ పోలీసులు కుప్వారా జిల్లాలో పనిచేస్తున్న ఎల్‌ఇటి మాడ్యూల్‌ను ఛేదించిన కొద్ది రోజుల తర్వాత ఈ అరెస్టు జరిగింది.
అహ్మద్, ఆయుధాలు,మందుగుండు సామగ్రిని స్వీకరించడానికి నియంత్రణ రేఖ (ఎల్‌ఓసి) వెంబడి హ్యాండ్లర్లతో సమన్వయం చేసుకుంటూ ఖుర్షీద్ అహ్మద్ రాథర్, గులామ్ సర్వర్ రాథర్‌లతో కలిసి కుట్రలో చురుకుగా పాల్గొన్నట్లు పోలీసులు తెలిపారు.
Details
ఆయుధాలను,మందుగుండు సామాగ్రిని భారత్‌లోకి చేర్చడంలో రియాజ్ కీలక పాత్ర
నిందితుడు, రియాజ్ అహ్మద్ రిటైర్డ్ ఆర్మీ సిబ్బంది.అతను తన సహచరులతో కలిసి జమ్ముకశ్మీర్ లో విధ్వంసక కార్యకలాపాలకు పాల్పడేందుకు LeT టెర్రరిస్టు హ్యాండ్లర్లతో పాకిస్థాన్ సరిహద్దులో నియంత్రణ రేఖ గుండా వచ్చే ఆయుధాలను,మందుగుండు సామాగ్రిని భారత్‌లోకి చేర్చడంలో రియాజ్ కీలక పాత్ర పోషించినట్లు పోలీసులు చెప్పారు.
వివిధ ఆయుధాలు,మందుగుండు సామగ్రిని స్మగ్లింగ్ చేయడంలో ప్రమేయం ఉన్నందుకు ఐదుగురు ఉగ్రవాద సహచరులను గతంలో కర్నాహ్‌లో అదుపులోకి తీసుకున్నారు.
అరెస్టయిన వారిలో జహూర్ అహ్మద్ భట్ వద్ద ఎకె సిరీస్ రైఫిల్, మ్యాగజైన్లు, రౌండ్లు, పిస్టల్స్ లభించాయి.
దర్యాప్తులో భట్ ఇద్దరు పీఓకే ఆధారిత ఎల్‌ఈటీ టెర్రరిస్టు హ్యాండ్లర్లతో సంప్రదింపులు జరుపుతున్నాడని, వారి దుర్మార్గపు కార్యకలాపాలకు మద్దతుగా ఆయుధాలను పంపించడంలో కీలకపాత్ర పోషించారని వెల్లడైంది.