Ambedkar Jayanti 2023: దేశంలోనే డాక్టరేట్‌ అభ్యసించిన మొదటి వ్యక్తి అంబేద్కర్
ఈ వార్తాకథనం ఏంటి
బాబాసాహెబ్ అంబేద్కర్ ఓ స్ఫూర్తిమంత్రం. ఆయనో చైతన్య దీప్తి. న్యాయ కోవిదుడిగా, ఆర్థికవేత్తగా, సంఘ సంస్కర్తగా, రాజకీయవేత్తగా అన్నింటికి మించి భారత రాజ్యాంగం ప్రధాన రూపశిల్పిగా ఆయన ప్రసిద్ధి.
ఏప్రిల్ 14(శుక్రవారం) అంబేద్కర్ జయంతి సందర్భంగా ఆయన గురించి ఎవరికీ తెలియని వాస్తవాలను ఇప్పుడు తెలుసుకుందాం.
రాజ్యాంగ నిర్మాత అంబేద్కర్ జయంతిని భారత ప్రభుత్వం ప్రతి ఏటా ఘనంగా నిర్వహిస్తుంది. అంబేద్కర్ దాదాపు 64 సబ్జెక్టుల్లో మాస్టర్ డిగ్రీలు పూర్తి చేశారు. ఆయన తొమ్మిది భాషలు అనర్గళంగా మాట్లాడగలరు.
ప్రపంచవ్యాప్తంగా వివిధ దేశాల్లో 21సంవత్సరాలు ఆయన విద్యను అభ్యసించారు. అందుకే అంబేద్కర్‌ను ప్రపంచ మేథావుల్లో ఒకరిగా చెప్పుకుంటారు.
భారతదేశంలోనే డాక్టరేట్‌ను అభ్యసించిన మొదటి వ్యక్తి బాబాసాహెబ్ అంబేద్కర్ కావడం గమనార్హం.
అంబేద్కర్
లండన్ మ్యూజియంలో విగ్రహం ఉన్న ఏకైక భారతీయుడు అంబేద్కర్
బాబాసాహెబ్ అంబేద్కర్ బుద్ధిస్టుగానే అందరికీ సుపరిచితం. కానీ ఆయన మహారాష్ట్రలోని మహార్ కులానికి చెందిన హిందూ కుటుంబంలో జన్మించారని చాలామందికి తెలియదు.
1956లో ఆయన బౌద్ధమతం స్వీకరించారు.అలాగే భారత్‌లో ఏ మేథావికి దక్కని గౌరవం అంబేద్కర్‌కు దక్కింది.
లండన్ మ్యూజియంలో కార్ల్ మార్క్స్‌ తోపాటు అంబేద్కర్ విగ్రహాన్ని ఏర్పాటు చేశారు.లండన్ మ్యూజియంలో విగ్రహం ఉన్న ఏకైక భారతీయుడు అంబేద్కర్ కావడం గమనార్హం.
అంతేకాదు, తాగునీటి కోసం సత్యాగ్రహం చేసిన ఏకైక వ్యక్తి అంబేద్కర్. అంబేద్కర్ ఇంటిపేరు చాలా మందికి తెలియదు. ఆయన అసలు ఇంటిపేరు 'అంబావాడేకర్'.
ఆయన తండ్రి రామ్‌జీ మలోజీ సక్పాల్ ఆర్మీ ఆఫీసర్‌గా పనిచేశారు. బ్రిటిష్ ఇండియన్ ఆర్మీలో సుబేదార్ హోదాలో పని చేశారు.
అంబేద్కర్
అంబేద్కర్ లైబ్రరీలో 50వేలకు పైగా పుస్తకాలు
భారత త్రివర్ణ పతాకంలో 'అశోకచక్ర'కు స్థానం కల్పించిన ఘనత అంబేద్కర్‌కే దక్కుతుంది.
నోబెల్ బహుమతి గ్రహీత ప్రొఫెసర్ అమర్త్యసేన్ అంబేద్కర్‌ను 'ఫాదర్ ఇన్ ఎకనామిక్స్'గా భావిస్తారు.
మధ్యప్రదేశ్, బిహార్‌ అభివృద్ధి కోసం ఈ రాష్ట్రాల విభజనను 1950లో అంబేద్కర్ ప్రతిపాదించారు. అయితే అది అప్పుడు వీలు కాలేదు.
2000 తర్వాత మధ్యప్రదేశ్, బిహార్‌లను విభజించి ఛత్తీస్‌గఢ్, జార్ఖండ్‌లను ఏర్పాటు చేశారు.
అంబేద్కర్ వ్యక్తిగత లైబ్రరీ 'రాజ్‌గిర్'లో 50వేల కంటే ఎక్కువ పుస్తకాలు ఉంటాయి. ఇది వరల్డ్‌లోనే అతిపెద్ద ప్రైవేట్ లైబ్రరీ కావడం గమనార్హం.
లండన్ స్కూల్ ఆఫ్ ఎకనామిక్స్‌లో అంబేద్కర్ 8సంవత్సరాల చదువును కేవలం 2ఏళ్ల 3నెలల్లో పూర్తి చేసి ఆశ్చర్య పరిచారు. ఇందుకోసం రోజుకు 21గంటలు చదువుకున్నాడు.