CM Siddaramaiah : కర్ణాటక సీఎం సిద్ధరామయ్యకు బిగ్ రిలీఫ్.. ముడా కేసును కొట్టివేసిన హైకోర్టు
ఈ వార్తాకథనం ఏంటి
కర్ణాటక హైకోర్టులో ముఖ్యమంత్రి సిద్ధరామయ్యకు ఊరటనిచ్చింది.
మైసూర్ అర్బన్ డెవలప్‌మెంట్ అథారిటీ కుంభకోణంపై లోకాయుక్త పోలీసుల విచారణను కేంద్ర దర్యాప్తు సంస్థకి బదిలీ చేయాలని కోరిన పిటిషన్‌ను హైకోర్టు శుక్రవారం తిరస్కరించింది.
జస్టిస్ ఎం. నాగప్రసన్న ఈ కేసును సీబీఐకి బదిలీ చేయడాన్ని నిరాకరిస్తూ పిటిషన్‌ను కొట్టివేశారు.
లోకాయుక్త పోలీసులు దర్యాప్తును పక్షపాతం లేకుండా నిర్వహించారని, దర్యాప్తులో ఎటువంటి లోపాలు కనిపించలేదని ధర్మాసనం పేర్కొంది.
ముడా కుంభకోణంపై లోకాయుక్త పోలీసుల దర్యాప్తు సరిగ్గా లేదని ఆరోపిస్తూ సామాజిక కార్యకర్త స్నేహమయి శ్రీకృష్ణ హైకోర్టులో పిటిషన్ దాఖలు చేశారు. ఈ కేసును సీబీఐకి బదిలీ చేయాలని కోరారు.
Details
సీబీఐ విచారణ అవసరం లేదు
ఇరువర్గాల వాదనలు విన్న హైకోర్టు, గత నెలలో తీర్పును రిజర్వ్ చేసింది.
పిటిషనర్ తరఫున న్యాయవాది రాజకీయ ఒత్తిడితో దర్యాప్తును ప్రభావితం చేసే అవకాశం ఉందని, అసలు నిజాలను వెలుగులోకి తేవాలంటే సీబీఐ విచారణ అవసరమని వాదించారు.
సీఎం సిద్ధరామయ్య తరఫున సీనియర్ న్యాయవాది కపిల్ సిబల్ వాదిస్తూ, ప్రతి కేసును సీబీఐకి అప్పగించడం సరైంది కాదని, అలా అయితే లోకాయుక్త ఉన్నతస్థాయిలో దర్యాప్తు సంస్థగా ఎందుకు ఉండాలని ప్రశ్నించారు.
లోకాయుక్త రాష్ట్ర ప్రభుత్వ పరిధిలో ఉంటే, సీబీఐ కేంద్ర ప్రభుత్వ పరిధిలో ఉంటుందని గుర్తుచేశారు.
ప్రస్తుత సీబీఐ పూర్తిగా స్వతంత్ర దర్యాప్తు సంస్థ కాదని వ్యాఖ్యానించారు. ఈ నేపథ్యంలో ఇరువర్గాల వాదనలు పరిశీలించిన అనంతరం హైకోర్టు పిటిషన్‌ను కొట్టివేస్తూ తీర్పును వెల్లడించింది.