BRS: ఎన్నికల వేళ బీఆర్ఎస్‌కు బిగ్ షాక్.. మరో నలుగురు నేతలు రాజీనామా!
ఈ వార్తాకథనం ఏంటి
ఎన్నికల వేళ తెలంగాణలో రాజకీయాలు ఆసక్తిని రేపుతున్నాయి. టికెట్ ఆశించి భంగపడిన ఆశావహులు ఇతర పార్టీలోకి జంప్ అవుతున్నారు. ఇప్పటికే బీఆర్ఎస్, కాంగ్రెస్ నుంచి వలసలు మొదలయ్యాయి.
ప్రధానంగా అధికార పార్టీ బీఆర్ఎస్ నుండి వలసలు ఎక్కువయ్యాయి. దీంతో ఎన్నికల సమయంలో బీఆర్ఎస్‌కు షాక్ ల మీద షాకులు తగలుతున్నాయి.
ఇప్పటికే ఇద్దరు బీఆర్ఎస్ నేతలు ఆ పార్టీ గుడ్ బై చెప్పారు. మరో ఇద్దరు రాజీనామా చేయనున్నారు. ఈ నలుగురిలో ముగ్గురు కాంగ్రెస్ తీర్థం పుచ్చుకున్నారు.
ఇక రాష్ట్ర మహిళా ఫైనాన్స్ కార్పరేషన్ చైర్ పర్సన్, మాజీ ఎమ్మెల్సీ ఆకుల లలిత సోమవారం రాజీనామా చేశారు.
అక్టోబర్ 20న రాహుల్ గాంధీ సమక్షంలో ఆమె కాంగ్రెస్‌లో చేరనున్నారు.
Details
కాంగ్రెస్ గూటికి జగదీశ్వర్ గౌడ్, పూజిత్ గౌడ్?
మరోవైపు ఎన్ఎంఆర్ యువసేన వ్యవస్థాపకుడు, చిట్కుల్ సర్పంచ్ నీలం మధు పార్టీకి రాజీనామా చేస్తున్నానని, ఇక బీఆర్ఎస్‌తో తన ప్రయాణం ముగిసిందని చెప్పారు.
తాను 22 ఏళ్లుగా బీఆర్ఎస్‌తో అనుబంధంగా ఉండి అనేక కార్యక్రమాలు చేశానని, కానీ అధిష్టానం తనను గుర్తించలేదని వాపోయాడు. స్వాతంత్య్ర అభ్యర్థిగా బరిలోకి దిగి ప్రజల మద్దతులో ఎమ్మెల్యేగా గెలుస్తానని మధు పేర్కొన్నారు.
మాదాపూర్ కార్పొరేటర్ జగదీశ్వర్ గౌడ్, హఫీజ్ పేట్ కార్పొరేటర్ పూజిత గౌడ్‌లు బీఆర్ఎస్‌లు వీడనున్నట్లు తెలుస్తోంది.
వీరు పార్టీ మారుతున్నట్లు వార్తలు వస్తున్న జగదీశ్వర్ గౌడ్ ఖండించకపోవడం గమనార్హం.
టీపీసీసీ చీఫ్ రేవంత్ రెడ్డి ఇంటికి వెళ్లి కాంగ్రెస్ తీర్థం పుచ్చకోనున్నట్లు ఆయన అనుచరులు చెబుతున్నారు.