Kishan Reddy: స్థానిక సంస్థల ఎన్నికల్లో ఒంటరిగానే పోటీ.. బీజేపీ అధ్యక్షుడి ఎంపికపై కిషన్ రెడ్డి కీలక వ్యాఖ్యలు
ఈ వార్తాకథనం ఏంటి
తెలంగాణలో జరుగనున్న స్థానిక సంస్థల ఎన్నికలలో బీజేపీ పోటీపై కేంద్ర మంత్రి, తెలంగాణ బీజేపీ చీఫ్ కిషన్ రెడ్డి కీలక ప్రకటన చేశారు. ఈటల రాజేందర్ కూడా బీజేపీ రాష్ట్ర అధ్యక్షుడు రేసులో ఉన్నారని, అయితే అధ్యక్షుడిగా ఎంపిక కావాలంటే ఆర్‌ఎస్ఎస్ బ్యాక్‌గ్రౌండ్ అవసరం లేదన్నారు. బీజేపీ క్రియాశీలక సభ్యత్వం లేదా రెండు సార్లు బీజేపీ గుర్తుపై పోటీ చేసిన వారైనా అధ్యక్షుడి పదవి పొందగలరని స్పష్టం చేశారు. ఈటల రాజేందర్, ఇతరులు బీజేపీ అధ్యక్ష పదవికి పోటీ చేస్తారని, బీజేపీ రాష్ట్ర అధ్యక్షుడిని హైకమాండ్‌నే నిర్ణయిస్తుందని చెప్పారు. కిషన్ రెడ్డి బీఆర్ఎస్ పార్టీను కించపరచుతూ, వారి నిర్ణయాలు డైనింగ్ టేబుల్ వద్ద జరిగేలా ఉన్నాయని ఎద్దేవా చేశారు.
Details
ఉచితాలపై బీజేపీ వ్యతిరేకం లేదు
తెలంగాణలో కాంగ్రెస్ ఇచ్చిన ఆరు గ్యారెంటీలు అమలు చేశామని సీఎం రేవంత్ రెడ్డి అబద్ధాలు చెబుతున్నారని, దిల్లీ ప్రజలకు కాంగ్రెస్ కు ఓటు వేస్తారా అని ప్రశ్నించారు. కాంగ్రెస్ పార్టీ దిల్లీ అసెంబ్లీ ఎన్నికల్లో పరాజయాన్ని ఎదుర్కొంటుందని ముందే జోస్యం చేశారు. ఉచితాలు ఇవ్వడం విషయంలో బీజేపీ వ్యతిరేకం కాదని, కానీ ప్రజలను మోసం చేయకుండా రాష్ట్ర ఆదాయాన్ని దృష్టిలో పెట్టుకుని హామీలు ఇవ్వాలని సూచించారు.