EC: ఎగ్జిట్ పోల్స్ తప్పుగా ఉంటే ఈవీఎంలను ఎందుకు నిందిస్తారు?విమర్శలపై ఈసీ ఫుల్ క్లారిటీ
ఈ వార్తాకథనం ఏంటి
హర్యానాలో ఎగ్జిట్ పోల్స్ అన్ని కాంగ్రెస్ గెలుస్తాయని సూచించినా, చివరికి బీజేపీ విజయం సాధించింది.
ఈ నేపథ్యంలో, కాంగ్రెస్ అనేక ఆరోపణలు, అనుమానాలను ఈవీఎంలపై వ్యక్తం చేస్తోంది.
వారు పలు రకాల ఫిర్యాదులు చేసారు, ''ఈవీఎంల కారణంగానే ఓడిపోయాం'' అని పేర్కొంటున్నారు.
ఈ ఆరోపణలపై చీఫ్ ఎలక్షన్ కమిషనర్ రాజీవ్ కుమార్ స్పందించారు.
మహారాష్ట్ర, జార్ఖండ్ అసెంబ్లీ ఎన్నికల షెడ్యూల్ ప్రకటించిన అనంతరం, ఆయన మీడియాతో మాట్లాడినప్పుడు ఈ అంశం ప్రస్తావనకు వచ్చింది.
వివరాలు
ఎన్నికల సంఘం నిబద్ధతను ప్రశ్నించడం కరెక్ట్ కాదు: రాజీవ్ కుమార్
''ఎగ్జిట్ పోల్స్ కు ఎన్నికల కమిషన్‌కు ఏమి సంబంధమని'' రాజీవ్ కుమార్ ప్రశ్నించారు.
ఈ ఎగ్జిట్ పోల్స్ ప్రజలను తప్పుదోవ పట్టిస్తున్నాయని తెలిపారు.ఎన్నికల ఫలితాలు ప్రారంభంలో కాంగ్రెస్ పార్టీకి అనుకూలంగా వచ్చినప్పటికీ, తర్వాత బీజేపీకి అనుకూలంగా మారడం కూడా ఈవీఎంలపై వస్తున్న విమర్శలకు సంబంధించిందని అన్నారు.
కౌంటింగ్ ప్రారంభం అయ్యే వరకూ అధికారిక సమాచారం లభించకపోవడాన్ని ఆయన గుర్తించారు.
ఉదయం 9:30 వరకు కౌంటింగ్ ప్రారంభించిన గంటన్నర వరకు మీడియాలో ప్రచారం చేయబడిన సంఖ్యలు అధికారికం కాదని స్పష్టం చేశారు.
ఎగ్జిట్ పోల్స్, ఆధారం లేని వార్తలను పట్టుకుని ఎన్నికల సంఘం నిబద్ధతను ప్రశ్నించడం కరెక్ట్ కాదని సీఈసీ చెప్పారు.
విమర్శలు, ఆరోపణలపై స్వీయ నియంత్రణ పాటించాలని రాజకీయ పార్టీలను ఆయన కోరారు.
వివరాలు
ఈవీఎంలు 100 శాతం ఫుల్‌ప్రూఫ్‌.. అవి ట్యాంపర్ చేయలేరు: రాజీవ్ కుమార్
''ఓటింగ్‌లో పాల్గొనడం ద్వారా ప్రజలే ఈ ప్రశ్నలకు సమాధానాలు ఇస్తారు'' అని రాజీవ్ కుమార్ పేర్కొన్నారు.
ఈవీఎంలు 100 శాతం ఫుల్‌ప్రూఫ్‌గా ఉన్నాయని, అవి ట్యాంపర్ చేయలేనని ఆయన చెప్పారు.
హర్యానా ఎన్నికల ఫలితాలపై ఈవీఎంల విషయంలో అనుమానాలు వ్యక్తం చేసేవారు మరింత పెరిగారు.
అన్ని ఎగ్జిట్ పోల్స్ కాంగ్రెస్‌కు అనుకూలంగా ఉండటంతో, బీజేపీ ప్రభుత్వంపై వ్యతిరేకత ఎక్కువగా ఉందని అనుకున్నారు.
ప్రారంభంలో కాంగ్రెస్ పార్టీ ముందుకు వచ్చినప్పుడు, పోస్టల్ బ్యాలెట్లలో ఎక్కువగా కాంగ్రెస్ పార్టీకి ఓట్లు వచ్చాయి.
ఓ దశలో 90 స్థానాల్లో 70కి పైగా కాంగ్రెస్ పార్టీ ఆధిక్యంలో ఉండగా, తర్వాత ఈవీఎం ఓట్లు లెక్కించడం ప్రారంభించినప్పుడు బీజేపీ లీడింగ్‌లోకి వచ్చింది.
వివరాలు
హర్యానా ప్రజలు ఎలాంటి అభ్యంతరం వ్యక్తం చేయడం లేదు
రాజకీయ పార్టీలు మాత్రమే ఈ అంశంపై ఆరోపణలు చేస్తున్నాయి. హర్యానాలో ఓట్లు వేసిన ప్రజలు ఎలాంటి అభ్యంతరం వ్యక్తం చేయడం లేదు.
అంతా ఏకపక్షంగా కాంగ్రెస్‌కు ఓట్లు వేసి ఉంటే, వారు ఖచ్చితంగా తమ అభిప్రాయాలను తెలియజేస్తారు.
కానీ రాజకీయ పార్టీలు ఎగ్జిట్ పోల్స్ ఆధారంగా ఫలితాలు తారుమారయ్యాయని వాదించడం ప్రారంభించారు. ఈసీ దీనిపై క్లారిటీ ఇచ్చింది.