Sridhar Babu: తెలంగాణను ట్రిలియన్‌ డాలర్ల ఎకానమీగా మారుస్తాం: దుద్దిళ్ల శ్రీధర్ బాబు
ఈ వార్తాకథనం ఏంటి
తెలంగాణని ఆర్టిఫిషియల్‌ ఇంటలిజెన్స్‌ (ఏఐ) హబ్‌గా తీర్చిదిద్దే లక్ష్యంతో దూసుకెళ్తున్నట్లు ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు స్పష్టం చేశారు.
హైదరాబాద్‌లోని హెచ్‌ఐసీసీలో జరుగుతున్న 'గ్లోబల్‌ ఏఐ సమ్మిట్‌ 2024' ప్రారంభ సమావేశానికి ఆయన అధ్యక్షత వహించారు.
ఈ సందర్భంగా, హైదరాబాద్‌ను ఏఐ డెస్టినేషన్‌గా మార్చడానికి అవసరమైన అన్ని ఏర్పాట్లు తమ వద్ద ఉన్నాయని తెలిపారు.
200 ఎకరాల విస్తీర్ణంలో ఏఐ సిటీని నిర్మిస్తామని, ఇది ఏఐ రంగంలోని నిపుణులు, కంపెనీలు, పరిశ్రమలు, స్టార్ట్‌పులకు వేదికగా ఉంటుందన్నారు.
ఏఐ పాలసీ రూపకల్పనలో నిపుణులను ఆహ్వానిస్తున్నామని, ఒక స్కూల్‌ ఆఫ్‌ ఎక్సలెన్సీని నెలకొల్పబోతున్నామని చెప్పారు.
శంషాబాద్‌ వద్ద పెద్ద స్థలంలో ఏఐ కంపెనీలు, ఇన్నోవేషన్‌ సెంటర్‌లకు వేదికగా ఉన్న ప్రాంతాన్ని అందిస్తామన్నారు.
వివరాలు
ఏఐ లిటరసీని ప్రోత్సహించటానికి చర్యలు
డీప్‌ ఫేక్‌లు,తప్పుడు సమాచారం వల్ల వ్యక్తులు,సంస్థలు తప్పుదోవ పట్టకుండా నియంత్రణ చర్యలు తీసుకుంటామన్నారు.
డేటా ప్రైవసీ విషయంలో కఠినమైన నిబంధనలు రూపొందిస్తామన్నారు. ఏఐ నైపుణ్యంతో కూడిన వర్క్‌ ఫోర్స్‌ను తయారుచేసే అంశంపై కూడా దృష్టి పెడుతున్నామని , ఏఐ లిటరసీని ప్రోత్సహించటానికి చర్యలు తీసుకుంటామని పేర్కొన్నారు.
తెలంగాణ ఆర్థికంగా ముందుకు పోవడం,11.3 శాతం ఆర్థిక వృద్ధి సాధించడం ద్వారా రాష్ట్రం 176 మిలియన్‌ డాలర్ల ఉత్పత్తి వరకు చేరిందని, త్వరలో ట్రిలియన్‌ డాలర్‌ ఎకానమీగా మారాలన్న లక్ష్యంతో ముందుకు వెళ్తున్నామని తెలిపారు.
జయేష్‌ రంజన్, ఐటీ, పరిశ్రమల శాఖ ప్రత్యేక ప్రధాన కార్యదర్శి, ఈ సమ్మిట్‌కు తమ రాష్ట్రం వేదికగా మారడం ఆనందంగా ఉందని చెప్పారు.