Harish Rao: కాళేశ్వరం కమిషన్‌పై హరీశ్‌రావు మధ్యంతర పిటిషన్‌కు హైకోర్టు బ్రేక్‌
ఈ వార్తాకథనం ఏంటి
కాళేశ్వరం ప్రాజెక్టు కమిషన్ నివేదికపై మాజీ మంత్రి, బీఆర్‌ఎస్ ఎమ్మెల్యే హరీశ్‌రావు ఇటీవల మధ్యంతర పిటిషన్ దాఖలు చేశారు. ఈ పిటిషన్‌పై హరీశ్‌రావు తరఫు న్యాయవాది అత్యవసర విచారణ జరపాలని కోర్టును కోరారు. ఈ సందర్భంగా ఆయన, ప్రభుత్వం ఇప్పటికే సీబీఐ విచారణకు నిర్ణయం తీసుకుందని కోర్టుకు వివరించారు. అయితే అసెంబ్లీలో చర్చించిన తర్వాతే చర్యలు చేపడతామని అడ్వకేట్ జనరల్ కోర్టుకు తెలిపారని పేర్కొన్నారు. కానీ అసెంబ్లీలో తీర్మానం జరగకముందే సీబీఐకి అప్పగించేందుకు ప్రభుత్వం నిర్ణయం తీసుకుందని హరీశ్‌రావు తరఫు వాదనలో నొక్కిచెప్పారు.
Details
తిరస్కరించిన హైకోర్టు
రేపటివరకు తదుపరి చర్యలు చేపట్టకుండా ఆదేశాలు ఇవ్వాలని ఆయన విజ్ఞప్తి చేసినా, హైకోర్టు దీనిని తిరస్కరించింది. పునరావృతంగా కోరినా కోర్టు అంగీకరించలేదు. ఇక మరోవైపు, కాళేశ్వరం నివేదికపై ప్రభుత్వ నిర్ణయాన్ని స్పష్టంగా తెలియజేయాలని ప్రభుత్వ న్యాయవాదిని (జీపీ) సీజే ధర్మాసనం ఆదేశించింది. దీనికి జీపీ సమాధానంగా రేపు లేదా ఎల్లుండి చెబుతామని తెలిపాడు. హైకోర్టు రేపటిలోపు ప్రభుత్వ నిర్ణయాన్ని సమర్పించాలని ఆదేశిస్తూ, విచారణను రేపటికి వాయిదా వేసింది.