Telangana: ఎడతెరపి లేని వర్షాలు.. 15 లక్షల ఎకరాల్లో నీట మునిగిన పంటలు
ఈ వార్తాకథనం ఏంటి
వరదల వల్ల తెలంగాణ వ్యాప్తంగా దాదాపు 15 లక్షల ఎకరాల్లో పంటలు నీటమునిగినట్లు అధికారులు అంచనా వేశారు.
పత్తి పంట పూత దశలో ఉండటం, వరి నాట్లు పూర్తయిన దశలో ఉండడంతో వరదల ప్రభావం ఈ పంటలపై పడింది.
పంట మునిగిన ప్రాంతాలపై వ్యవసాయశాఖ మరింత దృష్టి సాధించలేదని విమర్శలు వెలువెత్తుతున్నాయి.
గ్రామాల్లో రైతులకు సలహాలు, సూచనలు అందించడానికి ఎవరూ లేకపోవడంతో రైతులు తీవ్రంగా నష్టపోయారు.
Details
పంటలు
ఇప్పటివరకు 8 లక్షల ఎకరాల్లో పత్తి, 5 లక్షల ఎకరాల్లో వరి పంట నీట మునిగినట్లు తెలిసింది. పత్తి 42.66 లక్షల ఎకరాలు, వరి 47.81 లక్షల ఎకరాల్లో సాగు అయింది.
మహబూబాబాద్, ములుగు, ఖమ్మం, నల్లగొండ, నాగర్‌కర్నూలు, మహబూబ్‌నగర్, హన్మకొండ, భద్రాద్రి కొత్తగూడెం, జనగాం వంటి జిల్లాల్లో ఈ నష్టం ఎక్కువగా ఉందని తెలుస్తోంది.
ఇక పంటల బీమా అందుబాటులో లేకపోవడం రైతులను మరింత కష్టాల్లో నెట్టింది.
ప్రభుత్వం ఈ సీజన్‌ నుంచి ప్రధానమంత్రి ఫసల్‌ బీమా యోజనను అమలులోకి తీసుకురావాలని హామీ ఇచ్చినా, అది ఇప్పటికీ అమలులోకి రాలేదు.
దీనిపై ప్రభుత్వం త్వరగా చర్యలు తీసుకోవాలని రైతులు కోరుతున్నారు.