International Yoga Day 2023: యోగా వ్యాప్తికి విశేష కృషి చేస్తున్న ఈ గురువుల గురించి తెలుసా?
ఈ వార్తాకథనం ఏంటి
యోగ అనేది వ్యాయామ సాధానాల సమాహారం అని అంటుంటారు. వ్యాయామానికి ఆధ్యాత్మికత కలిస్తే అది యోగా అవుతుంది. భారతీయ సంస్కృతికి యోగాకు విడదీయరాని అనుబంధం ఉంది. 5,000 ఏళ్లుగా భారతీయ సమాజంతో యోగా తన బంధాన్ని పెనవేసుకుపోయింది. ఎందరో యోగులు చేసిన కృషి వల్ల యోగా భవిష్యత్ తరాలకు వారసత్వంగా అందింది. ఒకప్పుడు భారత్‌కు మాత్రమే పరిమితమైన యోగా, ఇప్పుడు విశ్వవ్యాప్తం అయ్యింది. మానవాళి ఆరోగ్యానికి యోగా ఇప్పుడు అండగా నిలుస్తోంది. ప్రపంచం మొత్తం బుధవారం 9వ అంతర్జాతీయ యోగా దినోత్సవాన్ని జరుపుకుంటున్న నేపథ్యంలో యోగా అభివృద్ధికి కృషి చేస్తున్న ఐదుగురు గురువులను గురుంచి తెలుసుకుందాం.
యోగ
125 ఏళ్ల నాటి యోగా లెజెండ్ గురువు స్వామి శివానంద
స్వామి శివానంద: స్వామి శివానంద యోగా వ్యాప్తికి వ్యాప్తికి విశేష కృషి చేశారు. ఆయన కృషికి గానూ ఇటీవల కేంద్ర ప్రభుత్వం పద్మశ్రీ అవార్డుతో సత్కరించింది. స్వామి శివానందకు 125 ఏళ్లు అయినా, తన పనులను తానే చేసుకుంటారు. ఎవరి సాయం లేకుండా నడుస్తుంటారు. పశ్చిమ బెంగాల్‌లోని సిల్హెట్ జిల్లాలో జన్మించిన స్వామి శివానంద తన జీవితాన్ని మానవ సమాజ సంక్షేమానికి అంకితం చేశారు. స్వామి శివానంద చిన్నతనంలో కడు పేదరికాన్ని అనుభవించారు. ఆయన 6 సంవత్సరాల వయస్సులో తల్లి, తండ్రిని కోల్పోయారు. ఆ తర్వాత పశ్చిమ బెంగాల్‌లోని నబద్వీప్‌లో గల గురు ఓంకారానంద గోస్వామి గురూజీ ఆశ్రమానికి వెళ్లారు. అక్కడ స్వామి శివానంద యోగాను అభ్యసించి, దేశంలో యోగా లెజెండ్‌గా మారారు.
యోగ
సుదర్శన్ క్రియను సాధించిన శ్రీశ్రీ రవిశంకర్
జగ్గీ వాసుదేవ్: జగ్గీ వాసుదేవ్‌ను సద్గురు అని కూడా పిలుస్తుంటారు. ఈయన కర్ణాటకకు చెందినవారు. అతను ప్రపంచవ్యాప్తంగా యోగా కార్యక్రమాలను అందించే ఈషా ఫౌండేషన్ వ్యవస్థాపకుడు. జగ్గీ వాసుదేవ్ యోగా వ్యాప్తికి విశేష కృషి చేస్తున్నారు. జీవిత ఖైదీల కోసం అనేక యోగా కార్యక్రమాలు నిర్వహించారు. శ్రీశ్రీ రవిశంకర్: ఈయన ఆర్ట్ ఆఫ్ లివింగ్ ఫౌండేషన్ వ్యవస్థాపకుడు. యోగాలో సుదర్శన్ క్రియ అని పిలువబడే రిథమిస్ బ్రీతింగ్ ప్రాక్టీస్‌ను ప్రాచుర్యంలోకి తెచ్చారు. కర్నాటకలోని భద్రా నది ఒడ్డున 10 రోజుల సుదీర్ఘ ధ్యానం తర్వాత సుదర్శన్ క్రియను ఆయన పొందారు. తమిళనాడులో పుట్టిన శ్రీశ్రీ రవిశంకర్‌కు ప్రపంచవ్యాప్తంగా ఆధ్యాత్మిక కేంద్రాలు ఉన్నాయి. వాటి ద్వారా యోగాను వ్యాప్తి చేస్తున్నారు.
యోగ
బాబా రామ్‌దేవ్ యోగా శిబిరాలకు విశేష ఆదరణ
బాబా రామ్‌దేవ్: ప్రస్తుతం బాబా రామ్‌దేవ్ యోగా శిబిరాల కంటే రాజకీయ సర్కిల్‌లో ఎక్కువగా కనిపిస్తున్నారు. సామూహిక యోగా శిబిరాలను నిర్వహించి, యోగాను సామాన్యూలకు అందుబాటులోకి రామ్‌దేవ్ తీసుకొచ్చారు. టీవీలో అతని కార్యక్రమాలు విజయవంతమయ్యాయి. ఈ క్రమంలో రామ్‌దేవ్ ఇంటి పేరు 'యోగా'గా మారింది. యోగా యోగులకే కాదు సామాన్యులకు కూడా అనే సిద్ధాంతంతో భారత్‌లో యోగా వ్యాప్తికి బాబా రామ్‌దేవ్ తీవ్రంగా శ్రమించారు. బిక్రమ్ చౌదరి: భారత్‌లోని ప్రముఖ యోగా గురువుల్లో బిక్రమ్ చౌదరి ఒకరు. ఈయన 40 డిగ్రీల సెల్సియస్ వేడి వాతావరణంలో సాధన చేయడానికి ఉద్దేశించిన ప్రసిద్ధ 26 రకాల భంగిమలతో ఒక యోగా శ్రేణిని ఆయన తీర్చిదిద్దారు. ప్రతి భంగిమ శరీరం నిర్దిష్ట భాగానికి ప్రయోజనం చేకూరుస్తుంది.