Shinkansen Trains: ముంబై-అహ్మదాబాద్ రూట్లో.. బుల్లెట్ రైలు టెస్టింగ్ కోసం జపాన్ షింక‌న్‌సెన్ రైళ్లు
ఈ వార్తాకథనం ఏంటి
ముంబై నుంచి అహ్మదాబాద్ వరకూ నిర్మాణంలో ఉన్న బుల్లెట్ రైలు ప్రాజెక్ట్‌కు సంబంధించిన ట్రాక్‌పై టెస్టింగ్ నిర్వహించేందుకు జపాన్ ప్రభుత్వం రెండు షింకెన్‌సెన్ రైళ్లను ఉచితంగా ఇవ్వబోతోందని సమాచారం.
హై స్పీడ్ రైల్ కారిడార్‌ను పరీక్షించేందుకు జపాన్ ముందుకొచ్చి ఈ ఆఫర్ ఇచ్చినట్లు తెలిసింది.
ఈ రైళ్లు ఈ5, ఈ3 సిరీస్‌లకు చెందినవిగా ఉండగా, వచ్చే సంవత్సరం ఆరంభంలో భారత్‌కు రానున్నాయని అధికార వర్గాలు తెలిపాయి.
ఈ హై స్పీడ్ ట్రాక్‌పై ఈ రైళ్లను ప్రయోగాత్మకంగా నడిపించి, అత్యవసర డేటాను సేకరించనున్నారు.
ముఖ్యంగా అధిక ఉష్ణోగ్రతలు, దుమ్ము వంటి పర్యావరణ సవాళ్లకు రైళ్లు ఎలా ప్రతిస్పందిస్తున్నాయన్న అంశాలపై పరిశీలన జరగనుంది.
వివరాలు
హైస్పీడ్ రైళ్లను 2030 నాటికి భారత్‌లో..
షింకెన్‌సెన్ రైళ్ల ద్వారా ముంబై-అహ్మదాబాద్ మార్గంలో డ్రైవింగ్ పరిస్థితులు, వేడినీటి ప్రభావాలు వంటి అంశాలపై కీలక సమాచారం సేకరించవచ్చని అధికారులు భావిస్తున్నారు.
టెస్టింగ్ దశలోనే "ఈ10" మోడల్‌కు సంబంధించిన రైళ్ల తయారీపై కూడా ప్రణాళికలు రూపొందిస్తున్నారు.
ఈ10 డిజైన్‌లో తయారయ్యే తదుపరి తరం హైస్పీడ్ రైళ్లను 2030 నాటికి భారత్‌లో ప్రవేశపెట్టే అవకాశం ఉంది.
తదుపరి తరం హైస్పీడ్ రైళ్లు అందుబాటులోకి వచ్చే వరకు దేశీయంగా అభివృద్ధి చేస్తున్న సెమీ హైస్పీడ్ రైళ్లను వినియోగంలోకి తేనుందుకు భారత్ యోచిస్తోంది.
ఈ నేపథ్యంలో రైళ్ల వేగాన్ని మరింత మెరుగుపరచేందుకు అవసరమైన మార్పులు చేయనున్నారు.
వివరాలు
జపాన్ షింకెన్‌సెన్ టెక్నాలజీ.. రైళ్లకు ప్రపంచవ్యాప్తంగా గుర్తింపు
జపాన్ షింకెన్‌సెన్ టెక్నాలజీ ఆధారంగా రూపొందిస్తున్న ఈ రైళ్లకు ప్రపంచవ్యాప్తంగా గుర్తింపు లభిస్తోంది.
ఈ5 సిరీస్ రైళ్లు స్లీక్ డిజైన్‌తో, అత్యాధునిక టెక్నాలజీ ఆధారంగా అభివృద్ధి చేయబడ్డాయి.
ఇక ఈ3 సిరీస్ రైళ్లు ప్రయాణికుల సౌకర్యం, సామర్థ్యాన్ని దృష్టిలో ఉంచుకొని రూపొందించబడ్డాయి.
ఈ రెండు మోడళ్లు జపాన్ ఇంజినీరింగ్ నైపుణ్యానికి చక్కని నిదర్శనంగా నిలిచాయి.
ఇక జపాన్ పంపిన ఈ రైళ్లను ఉపయోగించి భారత అధికారులు ట్రాక్ మరియు ఆపరేషనల్ పనితీరును విశ్లేషించే కార్యక్రమాన్ని చేపట్టనున్నారు.
దీనివల్ల భారతదేశంలో హైస్పీడ్ రైలు వ్యవస్థ అభివృద్ధికి అవసరమైన సాంకేతిక సమాచారం లభించనుంది.