Amaravati: ఏపీ రాజధానిపై కీలక నిర్ణయం.. 13 సంస్థలకు కేబినెట్ సబ్ కమిటీ ఊహించని షాక్!
ఈ వార్తాకథనం ఏంటి
ఏపీ రాజధాని అమరావతి నిర్మాణంపై ప్రభుత్వం వేగంగా చర్యలు చేపడుతోంది. కూటమి ప్రభుత్వం అధికారంలోకి వచ్చి ఎనిమిది నెలలు పూర్తయినా నిర్మాణాలు మొదలుకాలేదనే విమర్శల మధ్య సచివాలయంలో భూకేటాయింపులపై కేబినెట్ సబ్ కమిటీ సమావేశమైంది. ఈ భేటీలో కీలక నిర్ణయాలు తీసుకున్న కమిటీ, గతంలో భూములు పొందిన 13 సంస్థలకు షాక్ ఇచ్చింది.
Details
13 సంస్థల భూకేటాయింపులకు రద్దు
గతంలో అమరావతిలో భూములు కేటాయించుకున్న 13 సంస్థలకు వాటి కేటాయింపులు రద్దు చేస్తున్నట్టు మంత్రివర్గ ఉపసంఘం ప్రకటించింది. వివిధ కారణాలతో ఈ భూముల కేటాయింపులను రద్దు చేసేందుకు సబ్ కమిటీ ఆమోదముద్ర వేసింది. 2014-19 మధ్య కాలంలో భూములు కేటాయించిన అంశంపై మంత్రివర్గ ఉపసంఘం సుదీర్ఘంగా చర్చించి కొన్ని మార్పులు, చేర్పులు చేసింది. భూముల కేటాయింపులపై మార్పులు మంత్రి నారాయణ వెల్లడించిన వివరాల ప్రకారం, గతంలో మొత్తం 131 సంస్థలకు భూములు కేటాయించగా, 31 సంస్థలకు భూముల కేటాయింపులు కొనసాగించాలని నిర్ణయించారు. మరో రెండు సంస్థలకు గల భూములకు భద్రత కల్పించి, వేరొక ప్రాంతంలో కేటాయింపు చేయాలని నిర్ణయించారు. 16 సంస్థలకు భూకేటాయింపుల్లో మార్పులు చేసి, వేరొక ప్రదేశంలో భూములు అందించనున్నారు.
Details
కాంట్రాక్టర్ల ఎంపిక పూర్తైంది
అమరావతి అభివృద్ధికి సంబంధించి రూ.48 వేల కోట్లు విలువైన పనులకు టెండర్లు పిలిచామని, ఇప్పటికే ఏజెన్సీల ఎంపిక పూర్తయిందని మంత్రి నారాయణ తెలిపారు. సీఆర్డీఏ అధికారుల సమావేశంలో ఆమోదం లభించిన వెంటనే సంబంధిత ఏజెన్సీలతో ఒప్పందాలు చేసుకుంటామని చెప్పారు. ఆ వెంటనే రెండు మూడు రోజుల్లో అమరావతి నిర్మాణ పనులు ప్రారంభమవుతాయని వివరించారు. ప్రభుత్వ ఖజానాపై భారం లేకుండా రాజధాని నిర్మాణం ఆర్థిక మంత్రి పయ్యావుల కేశవ్ ప్రకారం, అమరావతి నిర్మాణానికి ప్రజల నుంచి వచ్చిన డబ్బు ఒక్క రూపాయి కూడా ఉపయోగించకుండానే నిర్మాణం చేపట్టనున్నారు. భూముల అమ్మకాల ద్వారా రాజధాని అభివృద్ధి చేయనున్నామని తెలిపారు. అమరావతి నిర్మాణం తక్కువ ఖర్చుతో రాజధాని నిర్మాణం సాధ్యమని కూటమి ప్రభుత్వం స్పష్టం చేసింది.
Details
వైసీపీ ప్రభుత్వంపై విమర్శలు
కూటమి ప్రభుత్వం అధికారంలోకి వచ్చిన తర్వాత అనేక న్యాయపరమైన సమస్యలను పరిష్కరించడానికి ఎనిమిది నెలలు పట్టిందని మంత్రి నారాయణ తెలిపారు. వైసీపీ ప్రభుత్వం అమరావతిని పక్కన పెట్టిందని, కక్షసాధింపుతో మూడు రాజధానుల డ్రామా ఆడిందని ఆరోపించారు. ప్రజలను తప్పుదోవ పట్టించి వైసీపీ ప్రభుత్వం వారితో ఆడుకుందన్నారు. మొత్తంగా, రాజధాని నిర్మాణంపై స్పష్టత రావడంతో త్వరలోనే పనులు ప్రారంభం కానున్నాయి.