కరీంనగర్: ఎమ్మెల్సీ పాడి కౌశిక్ రెడ్డి ప్రయాణిస్తున్న కారుకు ప్రమాదం
భారత రాష్ట్ర సమితి ఎమ్మెల్సీ పాడి కౌశిక్ రెడ్డి ప్రయాణిస్తున్న కారుకు ఘోర ప్రమాదం జరిగింది. ఎదురుగా వస్తున్న బైక్ ను తప్పించబోయిన ఆయన కారు కాలువలోకి దూసుకెళ్లింది. అయితే ఈ ప్రమాదంలో పాడి కౌశిక్ రెడ్డికి ఎలాంటి ప్రమాదం జరగకపోడవంతో అంతా ఊపిరిపీల్చుకున్నారు. ఈ ఘటన కరీంనగర్ జిల్లా మానకొండూరు మండలంలో జరిగింది. ముఖ్యంగా కారు కాలువలోకి బలంగా దూసుకెళ్లిన సమయంలో ఎయిర్ బెలూన్స్ తెరుచుకున్నాయి. దీంతో పెను ప్రమాదం తెప్పినట్లయ్యింది. ఈ క్రమంలో పాడి కౌశిక్ రెడ్డి వాహనం భారీగా దెబ్బతినడంతో ఆయన ఎస్కార్ట్ వాహనంలో హుజురాబాద్ వెళ్లిపోయారు.