Meta-AP: వాట్సప్ ద్వారా పౌర సేవలు.. ఢిల్లీలో మంత్రి లోకేష్ సమక్షంలో మెటాతో ఏపీ ప్రభుత్వం ఎంవోయూ
ఈ వార్తాకథనం ఏంటి
నేటి జనరేషన్‌కు ఆండ్రాయిడ్ ఫోన్లు, వాట్సాప్ వంటి టెక్నాలజీలపై అవగాహన ఉండడం సహజం.
బ్యాంక్ అకౌంట్ లేకపోయినా, వాట్సాప్ అకౌంట్ ఉన్న పరిస్థితి ప్రస్తుతం కనిపిస్తుంది.
ఈ నేపథ్యంలో, ఏపీ ప్రభుత్వం ప్రజలకు పౌర సేవలను సులభంగా అందించేందుకు కొత్త నిర్ణయం తీసుకుంది.
ఏపీ ప్రభుత్వం మెటా కంపెనీతో ఒప్పందం కుదుర్చుకుంది. ఈ ఒప్పందం ప్రకారం, పౌర సేవలను త్వరలోనే వాట్సాప్ ద్వారా అందించనున్నట్లు మంత్రి నారా లోకేష్ ప్రకటించారు.
ప్రభుత్వం అందించే పౌర సేవలలో కుల ధ్రువీకరణ పత్రాలు, కరెంట్ బిల్లులు, ఇంటి పన్నులు, ఇతర బిల్లుల చెల్లింపుల వరకు అన్ని సేవలను ఒక్క క్లిక్‌తో పొందేందుకు వీలుగా ఈ ఒప్పందం రూపొందించబడింది.
వివరాలు
మెటా ఫ్లాట్‌ఫామ్‌ ద్వారా స‌ర్టిఫికెట్లు వేగంగా, సులభంగా పొందే అవకాశాలు
సమస్యలపై విద్యార్థులు, యువత జోరుగా మాట్లాడిన సందర్భంలో, నారా లోకేష్ ఈ సేవలను త్వరగా అందించేందుకు హామీ ఇచ్చారు.
ఇప్పటికీ, సర్టిఫికేట్లు పొందేందుకు కార్యాలయాల చుట్టూ తిరగాల్సిన అవసరం లేకుండా, వాట్సాప్ ద్వారా ఈ సేవలను అందించేందుకు చర్యలు చేపట్టారు.
మెటా అనేది ఫేస్‌బుక్, వాట్సాప్, ఇన్‌స్టాగ్రామ్ వంటి సామాజిక మీడియా ప్లాట్‌ఫామ్‌లకు మాతృసంస్థ. ఈ ఒప్పందం ద్వారా, మెటా ఫ్లాట్‌ఫామ్‌ ద్వారా స‌ర్టిఫికెట్లు వేగంగా, సులభంగా పొందే అవకాశాలు ఉన్నాయి.
సర్టిఫికేట్లను ఆన్‌లైన్‌లోనే, పారదర్శకంగా పొందడం కోసం చర్యలు తీసుకుంటున్నట్లు నారా లోకేష్ తెలిపారు.
ఈ ఒప్పందం చారిత్రాత్మకమైన మైలురాయిగా అభివర్ణిస్తూ, యువగళం పాదయాత్రలో హామీ ఇచ్చిన విధంగానే మొబైల్‌లో సర్టిఫికేట్లు అందిస్తామని ఆయన తెలిపారు.