రాజీనామా ప్రచారానికి బీరెన్ సింగ్ ఫుల్ స్టాప్.. మణిపూర్ సీఎంగా కొనసాగనున్నట్లు ప్రకటన
ఈ వార్తాకథనం ఏంటి
మణిపూర్ ముఖ్యమంత్రి బీరేన్ సింగ్ రాజీనామా చేస్తున్నారనే వార్త సోషల్ మీడియాలో చక్కర్లు కొడుతోంది. ఈ నేపథ్యంలో స్పందించిన సీఎం, తాను రాజీనామా చేయబోనని తేల్చి చెప్పారు.
గత కొన్ని నెలలుగా కుకీ, మైతీ తెగల మధ్య జరుగుతున్న ఘర్షణలతో భారతదేశంలోని ఈశాన్య రాష్ట్రం మణిపూర్ అట్టుడుకుతోంది. అంతకంతకూ మణిపుర్ లో పరిస్థితులు దిగజారుతున్నాయి.
ఇప్పటికే శాంతిభద్రతలు పూర్తిగా దెబ్బతినగా స్థానిక పోలీసులు చేతులెత్తేశారు. ఈ క్రమంలో కేంద్ర బలగాలను సైతం భారీగానే మోహరించారు. అయినప్పటికీ అక్కడక్కడా మహిళలపై పలు ఆకృత్యాలు జరగడం మాత్రం ఆగలేదు.
ఇద్దరు మహిళలను నగ్నంగా ఊరేగించిన ఘటన దేశవ్యాప్తంగా దిగ్బ్రాంతికి గురిచేసింది.ఈ నేపథ్యంలోనే నైతిక బాధ్యత వహిస్తూ బీరెన్ సింగ్ రాజీనామా చేయాలని సర్వత్రా డిమాండ్లు వ్యక్తమవుతున్నాయి.
details
మణిపురిలు కోరుకుంటే పదవిని వదిలేస్తా : బీరెన్ సింగ్
మరోవైపు జాతీయ కాంగ్రెస్ సహా విపక్షాలు సదరు సీఎంను బాధ్యుడిగా చేస్తూ భర్త్ రఫ్ చేయాలని అధికార బీజేపీని డిమాండ్ చేశారు. తాజా పరిణామాల నేపథ్యంలో రాష్ట్ర సీఎంగా బీరెన్ సింగ్ రాజీనామా చేయబోతున్నారంటూ గత కొన్ని రోజులుగా ఊహాగానాలు తీవ్రమయ్యాయి.
తాను సీఎం పదవి నుంచి తప్పుకునే ప్రశ్నే లేదని స్పష్టం చేశారు. కానీ, కేంద్రం, మణిపురిలు కోరుకుంటే పదవిని వదిలేస్తాన్నారు. తాను ప్రపంచంలోనే అతిపెద్ద పార్టీకి కార్యకర్తను అని, రాష్ట్రానికి ప్రజలెన్నుకున్న సీఎం అని చెప్పుకొచ్చారు.
ఇప్పటికైతే తన రాజీనామా ఎవరూ అడగలేదని,అధినాయకత్వం ఆదేశాలను తప్పక అనుసరిస్తానన్నారు. ప్రస్తుతం తన లక్ష్యం మాత్రం మణిపూర్ రాష్ట్రంలో త్వరగా శాంతిని పునరుద్ధరించడమేనని బీరెన్ వివరించారు.