Chandrababu Naidu: 'ఆధునికాంధ్ర కోసం మా ప్రయాణం'.. చంద్రబాబు నాయుడు
ఈ వార్తాకథనం ఏంటి
ఏపీ ముఖ్యమంత్రి చంద్రబాబు నాయుడు, కూటమి ప్రభుత్వం అధికారం చేపట్టిన తర్వాత రాష్ట్రంలోని సమస్యలను సులభంగా పరిష్కరిస్తున్నారని తెలిపారు.
ముఖ్యంగా వైసీపీ ప్రభుత్వం కాలంలో జరిగిన విధ్వంసాన్ని సరిదిద్దేందుకు ప్రయత్నిస్తున్నామన్నారు. నవంబర్ 1 నాటికి స్వర్ణాంధ్రప్రదేశ్ 2047 విజన్ డాక్యుమెంట్ సిద్ధమవుతుందని చెప్పారు.
పోలవరం ప్రాజెక్ట్ మొదటి దశ నిర్మాణం రెండేళ్లలో పూర్తిచేయాలని ప్రకటించారు. ఇక భోగాపురంలో సివిల్ ఎవియేషన్ యూనివర్సిటీ ఏర్పాటు కోసం కేంద్రానికి ప్రతిపాదన పంపామని వెల్లడించారు.
అదే విధంగా 2026 నాటికి అమరావతి నుండి నాలుగు ప్రధాన నగరాలకు బుల్లెట్ రైళ్ల నిర్మాణ పనులు ప్రారంభమయ్యే అవకాశం ఉందని తెలిపారు.
Details
కేంద్రమంత్రులతో చర్చలు జరిపిన చంద్రబాబు
కేంద్ర మంత్రి నితిన్ గడ్కరీ, పీయూష్ గోయల్, హర్దీప్ సింగ్ పూరి వంటి కేంద్రమంత్రులతో చంద్రబాబు చర్చలు జరిపారు.
విశాఖ ఉక్కును పునరుద్ధరించేందుకు ఆర్థిక మంత్రి నిర్మలా సీతారామన్‌తో చర్చలు జరిగాయి. కేంద్రం జాతీయ రహదారుల జాబితా అందించి, 65 లక్షల గ్యాస్ కనెక్షన్లకు సబ్సిడీపై చర్చలు జరుగుతున్నాయి.
రాష్ట్రానికి సమీపంలోని 20,000 ఎకరాల ఉప్పు భూమిని పరిశ్రమల కోసం ఇవ్వాలని కోరారు.
- గ్రీన్ హైడ్రోజన్ కేంద్రం ఏర్పాటుకు లక్ష్యంగా, నేషనల్ హైడ్రోపవర్ కార్పొరేషన్ తో కలిసి పనిచేస్తున్నారు.
- విశాఖ రైల్వే జోన్ లో వాల్తేరు డివిజన్ కొనసాగించేందుకు కేంద్రం అంగీకరించింది.
Details
వివిధ అభివృద్ధి పనులు
రాష్ట్రంలో ఉన్న 75,000 కోట్ల రూపాయల విలువైన పనులను త్వరగా పూర్తి చేయడానికి కేంద్రమంత్రి నితిన్ గడ్కరీ అంగీకరించారు.
హైదరాబాద్-మచిలీపట్నం పోర్టుకు కొత్త గ్రీన్‌ఫీల్డ్ ఎక్స్‌ప్రెస్‌వే నిర్మాణం ప్రతిపాదించారు. అమరావతి చుట్టూ అవుటర్ రింగ్ రోడ్డు నిర్మాణానికి అవసరమైన పన్ను రాయితీలు కల్పించాలని కోరారు.
ఇక అరుకు కాఫీ బ్రాండ్‌ను ప్రోత్సహించాలన్న ఉద్ధేశంతో అందరికీ ఆ కాఫీ పొడి బాక్స్‌ను చంద్రబాబు కానుకగా ఇచ్చారు.
ప్రధానమంత్రి నరేంద్ర మోదీకి తిరుమల శ్రీవారి లడ్డూ ప్రసాదం అందించిన చంద్రబాబు, రాష్ట్ర సమస్యలపై చర్చలు జరిపి పునరుద్ధరణకు దిశగా అడుగులు వేస్తున్నారు.
రాష్ట్ర అభివృద్ధికి కేంద్రమంత్రులతో గట్టి సంబంధాలను బలపరిచేందుకు కృషి చేస్తున్నారు.