ఇండియా మొబైల్ కాంగ్రెస్: 5G తర్వాత, 6Gలో కూడా భారతదేశం ముందుండాలి: మోదీ
ఈ వార్తాకథనం ఏంటి
6G టెక్నాలజీ రంగంలో అగ్రగామిగా నిలిచే దిశలో భారత్ పయనిస్తోందని ప్రధాని నరేంద్ర మోదీ శుక్రవారం అన్నారు.
ఢిల్లీలో జరిగిన ఇండియా మొబైల్ కాంగ్రెస్‌లో ఆయన మాట్లాడుతూ.. దేశంలో 5జీని విస్తరించడమే కాకుండా 6జీ టెక్నాలజీ రంగంలో అగ్రగామిగా నిలిచే దిశగా పయనిస్తున్నామని చెప్పారు.
మొబైల్ బ్రాడ్‌బ్యాండ్ స్పీడ్‌లో భారతదేశం మునుపటి ర్యాంక్ 118 నుండి 43వ స్థానానికి చేరుకుందని, 5G రోల్-అవుట్ అయిన ఒక సంవత్సరంలోనే నాలుగు లక్షల 5G బేస్ స్టేషన్‌లను ఏర్పాటు చేశామని ప్రధాని మోదీ తెలిపారు.
ఈ సందర్భంగా ప్రధాని 2G స్పెక్ట్రమ్ కుంభకోణంపై యూపీఏ ప్రభుత్వాన్ని నిలదీసారు.
Details
శాంసంగ్,ఆపిల్ ఇండియాలో తయారు అవుతున్నాయి: మోదీ
2జీ (యూపీఏ ప్రభుత్వ హయాంలో స్పెక్ట్రమ్ కేటాయింపు) సమయంలో ఏం జరిగిందో అందరికీ తెలుసునని, మా ప్రభుత్వ హయాంలో 4జీని విస్తరించామే కానీ మాపై ఎలాంటి మచ్చ పడలేదని, 6జీ టెక్నాలజీలోనూ భారత్ అగ్రగామిగా నిలుస్తుందన్న నమ్మకం ఉందన్నారు.
పిక్సెల్ ఫోన్‌లను భారతదేశంలోనే తయారు చేస్తామని గూగుల్ ఇటీవల ప్రకటించిన విషయాన్ని కూడా ఆయన ప్రస్తావించారు.
శాంసంగ్ ఫోల్డ్ 5 మొబైల్ ఫోన్,ఆపిల్ ఐఫోన్ 15 భారతదేశంలో తయారవుతున్నాయి.
ఇప్పుడు ప్రపంచం మేడ్ ఇన్ ఇండియా మొబైల్ ఫోన్‌లను ఉపయోగిస్తున్నందుకు గర్వపడుతున్నామని ప్రధాని అన్నారు.
భారత టెక్‌ విప్లవంలో యువత పాత్ర కీలకమని మోదీ అన్నారు. అంతరిక్ష రంగంలో భారత్ వేగంగా వృద్ధి చెందుతోందని తెలిపారు.
Details
ఇండియా మొబైల్ కాంగ్రెస్ ఆసియాలోనే అతిపెద్ద టెలికాం,మీడియా, టెక్నాలజీ ఫోరమ్
అక్టోబరు 27-29 వరకు షెడ్యూల్ చేయబడిన ఇండియా మొబైల్ కాంగ్రెస్ 7వ ఎడిషన్‌ను ఇటీవల ప్రగతి మైదాన్‌లోని భారత్ మండపంలో ప్రధాని మోదీ ప్రారంభించారు.
ఇండియా మొబైల్ కాంగ్రెస్ ఆసియాలోనే అతిపెద్ద టెలికాం, మీడియా, టెక్నాలజీ ఫోరమ్.
ఇది టెలికమ్యూనికేషన్స్, టెక్నాలజీలో అద్భుతమైన పురోగతులను ప్రదర్శించడానికి భారతదేశం ఒక వేదికను అందిస్తోంది.
వినూత్న ఉత్పత్తులు,పరిష్కారాలను ప్రదర్శించే అవకాశాన్ని స్టార్ట్-అప్‌లకు అందిస్తుంది.