Ram Mohan Naidu: శ్రీకాకుళంలో ఫిషింగ్ హార్బర్,ఫిషింగ్ జెట్టీలు ఏర్పాటు చెయ్యండి..కేంద్రమంత్రికి రామ్మోహన్‌నాయుడి లేఖ
ఈ వార్తాకథనం ఏంటి
శ్రీకాకుళం జిల్లా సంతబొమ్మాలి మండలం భావనపాడులో ఫిషింగ్ హార్బర్,వజ్రపుకొత్తూరు మండలం మంచినీళ్లపేట,గార మండలం కలింగపట్నం ప్రాంతాల్లో ఫిషింగ్ జెట్టీలు నిర్మించాలని కేంద్ర పౌరవిమానయాన శాఖ మంత్రి కింజరాపు రామ్మోహన్ నాయుడు సోమవారం కేంద్ర నౌకాయాన శాఖ మంత్రి సర్బానంద్ సోనోవాల్‌ను అభ్యర్థించారు.
ఈ మేరకు ఆయన లేఖ రాశారు.
వివరాలు
స్థానికంగా సరైన ఉపాధి అవకాశాలు లేకపోవడంతో..
''శ్రీకాకుళం జిల్లాలో 194 కిలోమీటర్ల విస్తీర్ణత గల దీర్ఘ తీరప్రాంతం ఉంది. ఈ ప్రాంతంలో 230కు పైగా మత్స్యకార గ్రామాలు ఉన్నాయి. స్థానికంగా సరైన ఉపాధి అవకాశాలు లేకపోవడంతో మత్స్యకారులు ఇతర ప్రాంతాలకు వలస వెళ్తున్నారు. ముఖ్యంగా గుజరాత్, కర్ణాటక, కేరళ రాష్ట్రాలకు ఈ వలసలు అధికంగా జరుగుతున్నాయి. ఈ నేపథ్యంలో, శ్రీకాకుళం జిల్లాలోని ఈ మూడుచోట్ల ఫిషింగ్ హార్బర్, జెట్టీల నిర్మాణం అత్యవసరం. ఇవి నిర్మితమైతే, స్థానిక మత్స్యకారులకు ఉపాధి అవకాశాలు మెరుగుపడతాయి. స్థానిక ఆర్థిక వ్యవస్థ మరింత బలోపేతం అవుతుంది'' అని రామ్మోహన్ నాయుడు వివరించారు.