PM Modi: ఎన్నికల్లో పోటీ చేయకుండా ప్రధాని మోదీని నిషేధించాలంటూ పిటిషన్.. తిరస్కరించిన సుప్రీంకోర్టు
ఎన్నికల్లో పోటీ చేయకుండా ప్రధాని నరేంద్ర మోదీని నిషేధించాలంటూ దాఖలైన పిటిషన్‌ను సుప్రీంకోర్టు తోసిపుచ్చింది. ప్రధాని మోదీ విద్వేషపూరిత ప్రసంగాలు చేశారని, ఎన్నికల్లో పోటీ చేయకుండా నిషేధం విధించాలని పిటిషన్‌లో పేర్కొన్నారు. ప్రధాని మోదీపై విద్వేషపూరిత ప్రసంగం చేశారని, ఎన్నికల ప్రవర్తనా నియమావళిని ఉల్లంఘించారని పిటిషన్‌లో పేర్కొన్నారు. న్యాయమూర్తులు విక్రమ్‌నాథ్, ఎస్‌సి శర్మలతో కూడిన ధర్మాసనం సంబంధిత అధికారికి ఫిర్యాదు చేయాలని పిటిషనర్‌ను ఆదేశించింది. లాయర్ ఆనంద్ ఎస్ జోంధాలే ద్వారా ఫాతిమా అనే మహిళ ఈ పిటిషన్ దాఖలు చేసింది. ప్రజాప్రాతినిధ్య చట్టం ప్రకారం ఎన్నికల్లో పోటీ చేయకుండా ప్రధాని మోదీపై ఆరేళ్ల పాటు నిషేధం విధించాలని పిటిషన్‌లో డిమాండ్ చేశారు.
