Tamilisai Soundararajan: తెలంగాణ గవర్నర్ తమిళసై సౌందరరాజన్ రాజీనామా.. ఎన్నికల్లో పోటీ చేసే అవకాశం
తెలంగాణ గవర్నర్,పుదుచ్చేరి లెఫ్టినెంట్‌ గవర్నర్ పదవికి తమిళసై సౌందరరాజన్ సోమవారం రాజీనామా చేశారు. ఈ నేపథ్యంలో తమిళిసై ప్రత్యక్ష రాజకీయాల్లోకి రానున్నట్టు సమాచారం. తమిళనాడులోని తుత్తుకూడి, చెన్నై సెంట్రల్‌ పార్లమెంట్ స్థానం నుంచి పోటీ చేసే అవకాశం ఉన్నట్టు సమాచారం. ఈ మేరకు తన రాజీనామా లేఖను రాష్ట్రపతి ద్రౌపది ముర్ముకు పంపించారు తమిళిసై. త్వరలో జరగనున్న లోక్‌సభ ఎన్నికలకు బీజేపీ అభ్యర్థుల మూడో జాబితాలో సౌందరరాజన్ పేరు ఉండే అవకాశం ఉందని విశ్వసనీయ వర్గాలు మీడియాకి తెలిపాయి.
