రూ.2 కోట్లు ఇవ్వకుంటే నరేంద్ర మోదీని, అమిత్ షాను చంపేస్తామని బెదిరింపు కాల్స్
ఈ వార్తాకథనం ఏంటి
తాను అడిగిన డబ్బులు ఇవ్వకుంటే ఏకంగా ప్రధాన మంత్రి, హోంశాఖ మంత్రిని చంపుతామని గుర్తు తెలియని వ్యక్తి దిల్లీ పోలీసులను బెదిరించాడు.దీనిపై వెంటనే అప్రమత్తమైన పోలీసులు కాల్ చేసిన వ్యక్తి ఎవరో కనిపెట్టే పనిలో నిమగ్నమయ్యారు.
వీరితో పాటు బిహార్ సీఎం నితీష్ కుమార్ నూ చంపేస్తామని, అదే స్థాయి బెదిరింపులు రావడం పోలీసులను ఆందోళనకు గురిచేసింది.
దిల్లీ పోలీస్ కంట్రోల్ రూమ్ కు ఫోన్ చేసిన అజ్ఞాత వాసిపై ఇప్పటికే దర్యాప్తు ప్రారంభమైంది. బుధవారం ఉదయం 10:46 గంటల సమయంలో దిల్లీ పోలీస్ కంట్రోల్ రూమ్ కు ఓ అజ్ఞాత వ్యక్తి ఫోన్ చేశాడు.
తనకు రూ.10 కోట్లు ఇవ్వాలని, లేకుంటే బీహార్ సీఎం నితీశ్ కుమార్ ను చంపేస్తామని బెదిరించాడు.
DETAILS
ఆ అజ్ఞాత వాసిని వడ్రంగి సుధీర్ వర్మగా గుర్తింపు
దీనిపై ఆరా తీసిన దిల్లీ పోలీసులు, సదరు ఫోన్ కాల్ నాంగ్లోయీ ప్రాంతం నుంచి వచ్చిందని గుర్తించారు.
అయితే మరోసారి ఉధయం 10:54 గంటల సమయంలో మళ్లీ అదే వ్యక్తి ఫోన్ చేశాడు. ఈసారి రూ.2 కోట్లు కావాలని, లేని పక్షంలో ప్రధాని మోదీ, కేంద్ర హోంమంత్రి అమిత్ షాను హతమారుస్తామన్నాడు.
ఈ క్రమంలో వివరాలు సేకరించిన పోలీసులు, ఆ ఫోన్ పశ్చిమ విహార్ (ఈస్ట్) నుంచి వచ్చిందన్నారు.
అనంతరం పశ్చిమ విహార్ ఈస్ట్ ప్రాంతానికి వెళ్లి నిందితుడి కోసం గాలించారు. ఫోన్ చేసిన వ్యక్తిని వడ్రంగి మేస్త్రి సుధీర్ వర్మగా గుర్తించామని దిల్లీ డీసీపీ హరేంద్ర సింగ్ వెల్లడించారు. ఈ మేరకు కేసు నమోదు చేసి దర్యాప్తు చేస్తున్నామన్నారు.