దేశంలో ఆగని కరోనా ఉద్ధృతి; 3వేలు దాటిన కొత్త కేసులు; దిల్లీ ప్రభుత్వం అప్రమత్తం
ఈ వార్తాకథనం ఏంటి
దేశ రాజధానితో సహా దేశంలోని పలు ప్రాంతాల్లో కోవిడ్ కేసులు భారీగా పెరుగుతున్నాయి. గత 24గంటల్లో దేశంలో 3,016 కొత్త కోవిడ్ కేసులు నమోదయ్యాయి. ఇది నిన్నటితో పోలిస్తే 40 శాతం ఎక్కువ కావడం గమనార్హం.
రోజువారీ పాజిటివిటీ రేటు 2.7 శాతం కాగా, వారంవారీ సానుకూలత రేటు 1.71 శాతంగా నమోదైంది.
గత ఏడాది సెప్టెంబర్ తర్వాత ఢిల్లీలో అత్యధికంగా కొత్త కేసులు నమోదు కావడం ఆందోళన కలిగిస్తోంది. 24గంటల్లో 300 కేసులు నమోదయ్యాయి. ఒక్కరోజులునే దిల్లీలో పాజిటివిటీ రేటు 13.89 శాతానికి పెరిగింది.
మహారాష్ట్రలో తాజాగా 450 కేసులు నమోదయ్యాయి. గతేడాది సెప్టెంబర్ తర్వాత ఈ కేసులే అత్యధికం కావడం గమనార్హం.
కరోనా
దిల్లీ ప్రభుత్వం అత్యవసర సమావేశం
దేశంలో తాజా కేసులతో కలిపి మొత్త యాక్టివ్ కేసులు 13,509కి చేరుకున్నట్లు కేంద్ర ఆరోగ్య శాఖ తెలిపింది.
ఇప్పటివరకు 92.14 కోట్ల కరోనా నిర్ధారణ పరీక్షలు నిర్వహించినట్లు కేంద్రం పేర్కొంది. గత 24 గంటల్లో 1,10,522 పరీక్షలు జరిగాయి.
దేశంలో గత 24 గంటల్లో 1,396 మంది కరోనా నుంచి కోలుకున్నారు.
దిల్లీలో కోవిడ్ కేసులు పెరుగుతున్న నేపథ్యంలో ప్రభుత్వం అత్యవసర సమావేశాన్ని ఏర్పాటు చేసింది. ఢిల్లీ ఆరోగ్య మంత్రి సౌరభ్ భరద్వాజ్ పలు ఆసుపత్రుల డైరెక్టర్లతో సమావేశం కానున్నారు.